डोनाल्ड ट्रम्प अमेरिकेचे ४७ वे राष्ट्राध्यक्ष म्हणून आज शपथ घेणार आहेत. शपथविधी सोहळ्यानंतर कॅपिटल स्टॅच्युरी सभागृहात सोहळ्यासाठी हजेरी लावलेल्या लोकांसाठी जेवणाची व्यवस्था करण्यात आलीय. या इनॉगरल लंचासाठी अनेक लज्जतदार पदार्थ बनवण्यात आली आहेत. शपथविधी सोहळ्याच्या समारंभात कोण-कोणते पदार्थ बनवण्यात आली आहेत. त्याची माहिती आपण घेऊ.

इनॉगरल लंचला १८९७ पासून सुरूवात झाली. यावेळी व्यवस्था विषयक सिनेट समितीने अध्यक्ष विल्यम मॅककिन्ले यांच्यासाठी डिनरचे आयोजन केले होते. तेव्हापासून उदघाटन स्नेहभोजनाला सुरुवात झाली. संयुक्त काँग्रेस कमिटी १९५३ पासून उद्घाटन सोहळ्यासाठी जेवणाचे नियोजन करत आहे. हे लंच देश, प्रदेश किंवा देशाच्या पुढील राष्ट्रपतींच्या वैयक्तिक निवडीचे खाद्यपदार्थांना प्रतिबिंबित करणारे असते.

डोनाल्ड ट्रम्प यांच्या उद्घाटन लंचमध्ये काय आहेत मेनू

अमेरिकेतील लोकशाही परंपरांना आदरांजली म्हणून उद्घाटन स्नेहभोजनाचे आयोजन करण्यात येते. यावेळी डोनाल्ड ट्रम्प यांच्या स्नेहभोजनाच्या लंचच्या मेनूमध्ये ३ कोर्सचा समावेश करण्यात आलाय. यात एक सीफूड डिश, एक मीट डिश आणि आइस्क्रीमचा सामवेश मेनू ठेवण्यात आलाय.

गेल्या वेळेप्रमाणे यावेळीही लॉबस्टर रोल, ग्रील्ड चिकन, क्रीम चीज आणि काजू, ग्रॅव्हिल सूप, बार्बेक्यू सेव्हन हिल्स अँगस बीफ, चॉकलेट चिप कुकीज असे पदार्थ पाहुण्यांच्या ताटात असण्याची शक्यता आहे. २०१७ मध्ये शेवटच्या उद्घाटन लंचमध्ये डोनाल्ड ट्रम्प आणि इतर २०० पाहुण्यांनी थ्री-कोर्स लंचचा आस्वाद घेतला होता. मुख्य डिशमध्ये बार्बेक्यूड सेव्हन हिल्स एंगस बीफ, डार्क चॉकलेट, बटाटा ग्रेटिन आणि ज्यूससह मेन लॉबस्टर आणि गल्फ कोळंबीचे एपेटाइजर समाविष्ट होते.