Truck Carrying Cash Breaks Down in Chennai: चेन्नईच्या दिशेने जात असताना ५३५ कोटी रुपयांची रोकड घेऊन जाणारा ट्रक अचानक खराब झाला. त्यानंतर तात्काळ या प्रकरणाची माहिती पोलिसांना देण्यात आली. पोलीस अधिकारी घटनास्थळी पोहोचले. पोलिसांना मिळालेल्या माहितीनुसार, 535 कोटी रुपयांची रोकड घेऊन जाणारा ट्रक अचानक बंद पडला. (Latest Marathi News)

या प्रकरणाची माहिती मिळताच क्रोमपेट पोलीस तात्काळ घटनास्थळी दाखल झाले. घटनास्थळी एक ट्रक (Truck) उभा असल्याचे पोलिसांना दिसले. यावेळी पोलिसांनी संपूर्ण प्रकरणाचा तपास करत घटनास्थळी उपस्थित लोकांकडून संपूर्ण प्रकरणाची माहिती घेतली. ट्रकच्या जवळपास पोलीस पोहोचल्यावर लोकांनीही आपापले अंदाज बांधायला सुरुवात केली आणि रस्त्यावर लोकांची गर्दी होऊ लागली.

तांबारामचे सहाय्यक आयुक्त श्रीनिवासन हेही पोलीस (Police) पथकासह घटनास्थळी पोहोचले. चेन्नई (Chennai) येथून दोन ट्रक रोकड घेऊन जात असल्याचे त्यांना सांगण्यात आले. दरम्यान, वाटेत एका ट्रकचे इंजिन बिघडले. हे समजताच आजूबाजूला लोकांची मोठी गर्दी झाली. रस्त्यावरील वाहतूक संथ गतीने सुरू होती. ट्रकमधून धूर निघू लागला, तपासणी केल्यानंतर इंजिन खराब झाल्याचे आढळून आल्याचे सांगण्यात येत आहे.

गर्दी जमू लागल्यावर पोलिसांनी तत्काळ केले हे काम

दोन्ही ट्रकच्या आजूबाजूला मोठा जमाव असल्याचे पाहून पोलिसांनी तातडीने दोन्ही ट्रक जवळच्या कॅम्पसमध्ये नेले. यादरम्यान ट्रकचे इंजिन दुरुस्त करण्यासाठी मेकॅनिकला पाचारण करण्यात आले, मात्र ट्रक दुरुस्त होऊ शकला नाही. अखेर दुसऱ्या वाहनाच्या साहाय्याने दोन्ही ट्रक आरबीआयकडे पाठविण्याचा निर्णय घेण्यात आला.