Tamil Nadu government formation, Thalapathy Vijay CM oath : तामिळनाडूतील सत्तास्थापनेबाबत मोठी आणि महत्त्वाची घडामोडी समोर आली आहे. सुपरस्टार थलापती विजय यांच्या मुख्यमंत्रीपदाच्या शपथविधीवर अजूनही अद्याप सस्पेन्स कायम आहे. कारण बहुमताच्या आकड्यावरून तांत्रिक अडचण निर्माण झाली आहे. विजय यांना बहुमतासाठी २ आमदारांची आणखी गरज आहे. विजय यांनी राज्यपालांना ११६ आमदारांच्या समर्थनाचे पत्र दिले आहे. पण राज्यपाल राजेंद्र आर्लेकर ११८ आमदारांच्या पाठिंब्याच्या पत्रावर अडून राहिल्याने पेच निर्माण झाला आहे. बहुमताच्या आकड्यासाठी दोन आमदारांची प्रतीक्षा विजय यांना आहे.

तामिळनाडू विधानसभा निवडणुकीच्या निकालानंतर सुपरस्टार विजय यांच्या 'तमिलगा वेत्री कळघम' (TVK) पक्षाच्या सत्तास्थापनेकडे सर्वांचे लक्ष लागले आहे. आता मुख्यमंत्रिपदाच्या शपथविधीबाबत अनिश्चितता निर्माण झाली आहे. विजय यांनी सरकार स्थापनेचा दावा केला असला तरी, तांत्रिक कारणांमुळे शपथविधीची अधिकृत तारीख आणि वेळ अद्याप जाहीर होऊ शकलेली नाही.

बहुमताचे गणित अजूनही अधांतरी?

मिळालेल्या माहितीनुसार विजय यांनी राज्यपाल आर. एन. रवी यांची भेट घेऊन ११६ आमदारांच्या समर्थनाचे पत्र सादर केले होते. पण तामिळनाडू विधानसभेत बहुमतासाठी ११८ या मॅजिक फिगरची आवश्यकता आहे. विजय यांना बहुमतासाठी अजून दोन आमदारांच्या समर्थनाची गरज आहे. VCK आणि IUML या पक्षांनी विजय यांना पाठिंबा दर्शवला आहे, पण त्यांची अधिकृत समर्थन पत्रे अद्याप राज्यपालांकडे पोहोचलेली नाहीत. त्यामुळे जोपर्यंत हे पाठिंब्याचे पत्र राजभवनात सादर होत नाही, तोपर्यंत राज्यपाल शपथविधीसाठी हिरवा कंदील दाखवण्याची शक्यता कमी आहे.त्यामुळे विजय यांच्या कार्यालयाकडून अद्याप शपथविधीच्या सोहळ्याबाबत कोणतीही अधिकृत घोषणा करण्यात आलेली नाही.

प्रतीक्षा संपणार का?

सुरुवातीला विजय यांचा शपथविधी ९ मे रोजी होणार असल्याची चर्चा होती. मात्र, आता दोन आमदारांच्या समर्थनाचे पत्र वेळेत न मिळाल्यास या सोहळ्याला विलंब होण्याची शक्यता वर्तवण्यात येत आहे. त्यामुळे 'थलपती' विजय तामिळनाडूच्या मुख्यमंत्रीपदाची शपथ कधी घेणार? याकडे आता संपूर्ण देशाचे लक्ष लागले आहे.