थायलंडमध्ये भयानक घटना घडली आहे. येथील सोंगखला भागातील एका शाळेत १८ वर्षीय मुलाने अंदाधुंद गोळीबार केला असून यात २२ विद्यार्थ्यांसह ३४ जणांचा मृत्यू झाला आहे. स्थानिक माध्यमांनुसार, काही दिवसापूर्वी शाळेतील एका शिक्षकाने एका विद्यार्थिनीला फटकारलं होतं. ही विद्यार्थिनी हल्लेखोराची बहीण होती.

त्याचा राग मनात धरत हल्लेखोराने शाळेत गोळीबार केला. हल्लेखोर त्याच्या बहिणीला रागावणाऱ्या शिक्षकाचा शोध घेत होता. प्रत्यक्षदर्शींचे म्हणणे आहे की त्या माणसाची बहीण त्याच शाळेत शिकत होती. पोलीस आता या प्रकरणाची चौकशी करत आहेत. पोलिसांनी शाळा बंद केली असून संपूर्ण परिसरात कर्फ्यू करण्यात आलाय.

गोळीबारानंतर हल्लेखोराने अनेक मुलांना आणि शिक्षकांना ओलीस ठेवले. अनेक विद्यार्थी अजूनही शाळेत अडकल्याचे वृत्त आहे. घटनेची माहिती मिळताच विशेष दल आणि बचाव पथके घटनास्थळी पोहोचली आहेत. पोलिसांनी संपूर्ण शाळेला वेढा घातला असून परिस्थिती नियंत्रणात आणण्याचा प्रयत्न करत आहे. हल्लेखोराची ओळख अद्याप समजलेली नाही.