Coimbatore PG hostel girl crime news : कोइम्बतूरमध्ये धक्कादायक घटना घडली आहे. एक तरूणी पीजी हॉस्टेलमधून बॉयफ्रेंडसोबत फिरायला बाहेर पडली होती. विमानतळाच्या जवळ दोघेही कारमध्ये बसले होते. त्यावेळी तीन जणांनी २० वर्षांच्या विद्यार्थीनीचे अपहरण केले अन् सामूहिक बलात्कार केला. या धक्कादायक घटनेनंतर कोइम्बतूरमध्ये एकच खळबळ उडाली. पोलिसांनी याप्रकरणी तीन जणांना अटक केली असून चौकशी करण्यात येत आहे. दरम्याव, बलात्कार पीडित मुलगी मूळची मदुराईची आहे आणि ती कोइम्बतूरमध्ये शिक्षण घेत होती. ती येथे एका हॉस्टेलमध्ये राहत होती.

ही घटना रविवारी रात्री घडल्याची माहिती पोलिसांनी दिली आहे. कोइम्बतूर पोलिसांनी तीन जणांना अटक केली आहे. ग्रॅज्युएशनचे शिक्षण घेत असलेल्या २० वर्षांच्या मुलीवर तीन नराधमांनी सामूहिक बलात्कार केल्याची धक्कादायक घटना घडली. मुलगी बॉयफ्रेंडसोबत होती, त्यावेळी तिघांनी किडनॅप केले अन् अब्रू लुटली. या घटनेनेनंतर कोइम्बतूर संतापाची लाट उसळली. पोलिसांकडून या प्रकरणाचा तात्काळ तपास कऱण्यात आला. पण सीसीटीव्हीमध्ये त्यांना एकही आरोपी दिसून आला नाही. पोलिसांनी सोमवारी रात्री या प्रकरणात तीन जणांना बेड्या ठोकल्या असून चौकशी करण्यात येत आहे.

पोलिसांनी सांगितले की, रविवारी रात्री १०.३० वाजताच्या सुमारास जोडप्याने कोइम्बतूर विमानतळाच्या मागे वृंदावन नगर येथे कार पार्क केली होती. तेव्हा तीन जण दुचाकीवर आले. त्यांनी कारची काच तोडली आणि प्रियकरावर हल्ला केला. त्यांनी मुलीला धमकावले आणि दुचाकीवरून निर्जन ठिकाणी नेले. तिन्ही नराधमानी त्या २० वर्षाच्या मुलीवर वारंवार सामूहिक बलात्कार केला.

मुलीच्या बॉयफ्रेंडने पीलामेडू पोलिसांना फोन केला. पोलिसांकडून रात्री ११ वाजताच्या सुमारास मुलीचा शोध सुरू केला. पहाटे ४ वाजताच्या सुमारास मुलगी निर्जनस्थळी सापडली. तिन्ही नराधम बलात्कार केल्यानंतर पळून गेले होते. मुलगी बेशुद्ध अवस्थेत तिथेच पडलेली होती. पोलिसांनी तात्काळ मुलीला कोइम्बतूरमधील रूग्णालयात उपचारासाठी दाखल केले. सध्या त्या मुलीवर उपचार सुरू आहेत.

घटनेचे गांभीर्य पाहून तात्काळ आरोपींचा सोध घेण्यास सुरूवात केली. काही पथकांची नेमणूक करण्यात आली. सोमवारी रात्री पोलिसांनी मदुराई जिल्ह्यातील सतीश, गुणा आणि कार्तिक या तिघांवर गोळीबार करून त्यांना अटक केली. ते रोजंदारीवर काम करणारे कामगार असल्याचे प्राथमिक तपासून समोर आले. तिघे कोइम्बतूरमध्ये भाड्याच्या खोलीत राहत होते. तिघांनाही कोइम्बतूर मेडिकल कॉलेज रुग्णालयात दाखल करण्यात आले.