Pakistan Afghanistan Border Tensions : पाकिस्तानचा क्रूर चेहरा पुन्हा एकदा समोर आला आहे. पाकिस्तानने पुन्हा एकदा अफगाणिस्तानवर हवाई हल्ला केल्याचा आरोप तालिबानकडून करण्यात आला आहे. या हल्ल्यात ११ चिमुकल्यांसह १३ जणांचा मृत्यू झाला आहे, तर १४ जण जखमी झाल्याची माहिती तालिबानकडून देण्यात आली आहे. बुधवारी पाकिस्तानने हा हल्ला केल्याचा आरोप तालिबानकडून करण्यात आला आहे.

अफगाणिस्तानमधील तालिबानचे प्रवक्ते झबिहुल्ला मुजाहिद यांनी पाकिस्तानच्या हल्ल्याबाबत माहिती दिली. ते म्हणाले की, पाकिस्तानने खोस्त, कुनार आणि पक्तिका या प्रांतांवर हल्ले केले. काल रात्री पाकिस्तानी सैन्याने पुन्हा एकदा अफगाण हवाई हद्दीचे उल्लंघन केले. त्यांनी कुनार, खोस्त आणि पक्तिका प्रांतांमधील नागरिकांच्या घरांवर बॉम्ब हल्ला केला, अशी पोस्ट मुजाहिद यांनी एक्सवर केली.

झबिहुल्ला मुजाहिद यांनी आपल्या पोस्टमध्ये म्हटले की, पाकिस्तानच्या या हल्ल्यांमध्ये ११ मुलांचा, एका महिलेचा आणि एका वृद्ध व्यक्तीचा मृत्यू झाला आहे. महिला आणि मुलांसह १४ जण जखमी झाले आहेत. पाकिस्तानच्या या हल्ल्याचा तीव्र निषेध करतो. याचे प्रत्युत्तर त्यांना मिळेल. तालिबानकडून करण्यात आलेला आरोप पाकिस्तान सरकारने मान्य केला नाही, त्यांनी याचे खंडन केले.

Best Bus Accident : फेब्रुवारी २०२४ मध्ये पाकिस्तानी हवाई हल्ल्यांना प्रत्युत्तर म्हणून अफगाणिस्ताननेही जोरदार प्रत्युत्तर दिले होते. त्यानंतर दोन्ही देशांतील तणाव वाढत गेला आहे. मागील काही महिन्यांपासून पाकिस्तान आणि अफगाणिस्तान या दोन देशांमधील तणाव सुरू आहे. यामध्ये शेकडो लोकांचा मृत्यू झाला आहे.