ऑस्ट्रेलियातील सिडनी येथील प्रसिद्ध बॉन्डी बीचवर गोळीबार झाला. ज्यू समुदाय हनुक्का सणाची पहिली रात्र साजरी करत असताना हा हल्ला झाला. हा सण १४ डिसेंबर ते २२ डिसेंबरपर्यंत चालणार आहे. हनुक्का सणाची पहिली रात्र साजरी करत असतानाच गोळीबार झाला. ही घटना "हनुक्का बाय द सी" नावाच्या एका सामुदायिक कार्यक्रमादरम्यान घडली, या कार्यक्रमात शेकडो नागरिक उपस्थित होते. प्रत्यक्षदर्शींच्या म्हणण्यानुसार, काळ्या पोशाखात असलेल्या दोन हल्लेखोरांनी पुलावरून अंदाधुंद गोळीबार केला. या हल्ल्यामुळे घटनास्थळी दहशत पसरली.

लोक जीव वाचवण्यासाठी इकडे तिकडे पळू लागले. न्यू साउथ वेल्स पोलिसांच्या मते, या हल्ल्यात १० मृत्यू झालाय. यात एका हल्लेखोराचा समावेश आहे. या हल्ल्याचा एक व्हिडिओ समोर आलाय. यात अंदाधुंद गोळीबार करणारा एक व्यक्ती दिसत आहे. त्याचवेळी एक नीडर ऑस्ट्रेलियन व्यक्तीनं त्याला पकडत त्याच्या हातातील रायफल हिसकावली.

धाडसी माणसाने हल्लेखोराच्या हातील शस्त्र घेतल्यानंतर त्याला खाली पाडलं. त्याच्या धाडसाबद्दल आता सोशल मीडियावर त्याचे मोठ्या प्रमाणात कौतुक होतंय. १५ सेकंदांच्या व्हिडिओमध्ये, नि:शस्त्र माणूस पार्क केलेल्या गाड्यांमागे लपलेला दिसतोय. तो बंदूकधारी व्यक्तीकडे धावतो, त्याला पाठीमागून धरत त्याचा गळा आवळतो. त्यानंतर त्याची रायफल हिसकावून घेतो. बंदूकधारी व्यक्ती जमिनीवर पडतो आणि तेव्हा ऑस्ट्रेलियन व्यक्ती हल्लेखोरावर बंदूक रोखतो.