नेपाळच्या हंगामी पंतप्रधान म्हणून सुशीला कार्की यांचे नाव मंजूर करण्यात आले आहे. सूत्रांनी दिलेल्या माहितीनुसार, कार्की आज रात्रीच अंतरिम पंतप्रधान म्हणून शपथ घेतील, अशी शक्यता वर्तवण्यात येत आहे. कार्की यांचा राष्ट्रपती भवनात अंतरिम पंतप्रधान म्हणून शपथविधी होणार आहे. सुत्रांनी दिलेल्या माहितीनुसार, नेपाळमधील राजकीय पक्षांच्या बैठकीत संसद भंग करण्यास मुंजरी देण्यात आलीय.

संसद भंग करण्यात येईल म्हणजे, नेपाळमधील परिस्थितीत साधारण होईल आणि तेथे पुन्हा निवडणुका घेतल्या जातील. नेपाळमध्ये झेन-जीनी सरकारविरोधात हिंसक आंदोलन केलं. या आंदोलनामुळे ओली यांना पंतप्रधान पदाचा राजीनामा द्यावा लागलाय. तेथील तरुणाने संसदेवर हल्ला करून तेथे जाळपोळही केली. सोशल मीडियावरील बंदीमुळे संतप्त झालेल्या जमावाने माजी पंतप्रधानांच्या पत्नीलाही जिवंत जाळल्याचं वृत्त आहे.

नेपाळच्या प्रतिनिधी सभागृहाचे अध्यक्ष देवराज घिमिरे आणि वरिष्ठ सभागृहाच्या राष्ट्रीय सभागृहाचे अध्यक्ष नारायण दहल यांनी शुक्रवारी सध्याचा राजकीय पेचप्रसंग संविधानाच्या कक्षेतून सोडवण्याचे आवाहन केले. घिमिरे आणि दाहाल यांचे संयुक्त निवेदन अशा दिवशी आले जेव्हा राष्ट्रपती कार्यालयात एक महत्त्वाची बैठक सुरू होती. त्याच बैठकीत सुशीला कार्की यांना देशाचे अंतरिम पंतप्रधान करण्यावरही एकमत झाले.