नवी दिल्ली : मतदानाच्या टक्केवारीवरील याचिकेवर सुप्रीम कोर्टात याचिका पार पडली. मतदानानंतर ४८ तासांच्या आत मतांची टक्केवारी जाहीर करण्याचे निर्देश द्या, असं म्हणत सुप्रीम कोर्टात दाखल झालेल्या याचिकेवर ही सुनावणी पार पडली. आतापर्यंत झालेल्या ४ टप्प्यातील आकडेवारी वेबसाईटवर जाहीर करण्यास अडचण काय, असा सवाल सुप्रीम कोर्टाने निवडणूक आयोगाला केला आहे.

मतांच्या टक्केवारीबाबत सुप्रीम कोर्टात याचिका दाखल करण्यात आली होती. त्यावरून सुनावणी पार पडली. सुनावणीदरम्यान युक्तिवाद कोर्टाने म्हटलं की, प्रत्येक मतदान केंद्रावरील अधिकाऱ्यांकडून फॉर्म १७ सी हा निवडणूक अधिकाऱ्यांकडे दुसऱ्या दिवशी जमा केला जातो. जर तो दुसऱ्या दिवशी जमा केला जात असेल, तर तो अपलोड का केला जात नाही ?असा सवाल उपस्थित केला होता.

मतांच्या टक्केवारीवरून 'एसोसिएशन फॉर डेमोक्रेटिक रिफॉर्म्स' या संस्थेने ही याचिका दाखल केली होती. सरन्यायाधीश डीवाय चंद्रचूड, न्यायमूर्ती जेबी पारदीवाला आणि न्यायमूर्ती मनोज मिश्रा खंडपीठाने या संदर्भात निवडणूक आयोगाला नोटीस बजावली आहे.

आता या नोटिशीला एका आठवड्यात उत्तर देण्याचे निर्देश दिले आहे. आता आता या प्रकरणावर समर व्हेकेशनच्या एका बेंचकडे २४ मे रोजी सुनावणी होणार आहे.