भारत-पाकिस्तानमधील वाढत्या तणावाच्या पार्श्वभूमीवर श्रीनगरमधून मोठी बातमी समोर आली आहे. श्रीनगर परिसरात सलग तीन मोठे स्फोट झाल्याची माहिती मिळाली आहे. त्याचबरोबर, श्रीनगर विमानतळ परिसरात संशयास्पद ड्रोन दिसले असून, ड्रोनविरोधी क्षेपणास्त्रांनी त्या ड्रोनवर मारा करण्यात आला आहे. या हल्ल्यानंतर विमानतळ परिसरातील वीज बंद करण्यात आली आहे.

शनिवारी पहाटे श्रीनगरमध्ये झालेल्या अनेक भीषण स्फोटांमुळे संपूर्ण देश हादरले आहे. अधिकाऱ्यांच्या माहितीनुसार, शुक्रवारी रात्री ११:४५ च्या सुमारास श्रीनगर विमानतळाजवळ दोन मोठे स्फोट झाले होते. त्यानंतर शनिवारी सकाळी आणखी एका स्फोटमुळे वातावरण दणाणून गेले.

भारतीय लष्कराने पाकिस्तानने केलेले ड्रोन हल्ले उधळून लावले आहे. काही तासांपूर्वी श्रीनगरमध्ये स्फोटांचे आवाज ऐकू आले. त्यानंतर काही भागात सायरनचे आवाज ऐकू आले. सीआयएसएफने निवडक विमानतळांवर नागरी उड्डाणे तात्पुरती स्थगित केली. तसेच विमानतळावरील वीज देखील घालवण्यात आली.

दल सरोवरावर सापडला क्षेपणास्त्र

अधिकाऱ्यांनी दिलेल्या माहितीनुसार, श्रीनगरमधील प्रमुख पर्यटन आकर्षण असलेल्या दल सरोवरात एक क्षेपणास्त्रासारखी वस्तू सापडली आहे. तलावातून धूर येऊ लागल्यानंतर याची माहिती मिळाली आहे. याचा व्हिडिओ सध्या सोशल मीडियात व्हायरल होत आहे.