वृत्तसंस्था : अध्यात्मिक गुरु भय्यू महाराज यांच्या आत्महत्या प्रकरणामध्ये अत्यंत धक्कादायक माहिती समोर आली आहे. भय्यू महाराज यांना पलक नावाची तरुणी अश्लील व्हिडीओ व्हायरल करण्याची धमकी देऊन त्रास देत असल्याचे आता समोर आले आहे. 26 नोव्हेंबर दिवशी न्यायालयात तब्बल १०९ पानाचे व्हॉट्सअ‍प चॅट न्यायालयात सादर करण्यात आले आहे. पलकच्या त्रासाला कंटाळूनच भय्यू महाराज यांनी टोकाचे पाऊल उचलल्याचे पोलीस तपासामध्ये समोर आले आहे.

हे देखील पहा-

फॉरेन्सिक टीमने सादर केलेल्या अहवालामध्ये पलक(Bhayyu Maharaj) नावाची तरुणी पीयूष जीजू नावाच्या एका व्यक्तीबरोबर व्हॉट्सअपद्वारे चॅट करत असल्याचे समोर आले आहे. यामधून काही तथ्य समोर आल्याचा दावा केला जात आहे. यामुळे भय्यू महाराज प्रकरण हे एक खूप मोठे षडयंत्र होते, असे आता उघड झाले आहे.

भय्यू महाराज यांनी टोकाचे पाऊल उचलल्यावर पोलिसांनी पलकसह आणखी काही जणांना अटक करण्यात आली होती. सर्व आरोपींचे मोबाईल जप्त करण्यात आले होते. सर्व आरोपींच्या मोबाईल चॅटिंगचा डेटा देखील रिकव्हर करण्यात आला होता. या चॅटमधून जी माहिती समोर आली. ती पाहून पोलिसांना देखील मोठा धक्का बसला आहे. आरोपी चॅटिंग करताना भय्यू महाराज यांचा उल्लेख BM या सांकेतिक नावाने करत असत. एका चॅटमध्ये तर त्यांनी केलेला उल्लेख अत्यंत धक्कादायक आहे.

Edited By- Digambar Jadhav