Bhopal News : भोपाळ येथून एक मोठी बातमी समोर आली आहे. महिला रस्त्याने एकटी जात असताना काही भटक्या कुत्र्यांनी तिच्यावर हल्ला केला. कुत्र्यांच्या भयावह हल्ल्यात महिलेचा जागिच मृत्यू झाला आहे. सदर घटनेमुळे गावात कुत्र्यांची दहशत पसरली आहे. (Dog Attack News)

रस्त्याने जात असलेल्या दुसऱ्या एका व्यक्तीने ही घटना प्रत्यक्षात पाहिली तेव्हा त्याच्या पायाखालची जमिनच सरकली. महिला रस्त्त्यावर पडली होती. तिच्या हाता पायांना खोल जखमा होत्या. यातून रक्तस्त्राव देखील होतहोता. तसेच काही कुत्रे या महिलेच्या अंगाचे लचके तोडत होते.

कुत्र्यांनी चावा घेऊन शरीरावर सर्वत्र जखमा झाल्या होत्या. या घटनेची माहिती संबंधित व्यक्तीने पोलिसांनी कळवली. पोलिसांनी तात्काळ घटनास्थळी धाव घेत महिलेला रुग्णालयात दाखल केले. यावेळी डॉक्टरांनी तिला तपासले असता मृत घोषित केले.

कुत्र्यांनी (Dog) चावा घेतल्याने या महिलेचा मृत्यू झाल्याचे पुढे पोस्टमार्टम रिपोर्टमध्ये समजले आहे. सदर महिलेच्या कुटुंबीयांना ही माहिती मिळाल्यावर त्यांच्यावर दु:खाचा डोंगर कोसळला आहे. महिला सकाळी ७ वाजता घरातून शेतात जाण्यासाठी निघाली होती, असं तिच्या कुटुंबीयांनी म्हटलं आहे.