कर्नाटकातील चित्रदुर्ग जिल्ह्यात एक अतिशय धक्कादायत अपघात घडला. दोन हायस्पीड बसच्या मधोमध एक ऑटो पुर्णपणे चिरडली गेली. पण आश्चर्याची गोष्ट म्हणजे ऑटोमधील चालकासह, प्रवासी बचावले आहेत. त्यांना गंभीर दुखापत झाली असल्याची माहिती आहे. स्थानिकांनी तातडीने धाव घेत ऑटोमधील प्रवाशांना वाचवण्याचा प्रयत्न केला. तसेच त्यांना रूग्णालयात पुढील उपचारासाठी हलवले. सध्या या घटनेचा सीसीटीव्ही फुटेज सोशल मीडियात व्हायरल होत आहे.

मिळालेल्या माहितीनुसार, हा अपघात चित्रदुर्ग जिल्ह्यातील एका गावात घडला. या थरारक अपघाताचा व्हिडिओ व्हायरल होत आहे. या व्हिडिओमध्ये रस्त्यावर गर्दी दिसत आहे. बस, ऑटो आणि लोकांची वर्दळ दिसत आहे. भरधाव बस आधी जात आहे. बसच्या मागून एक ऑटो जात आहे. दरम्यान, ऑटोच्या मागून एक भरधाव बस जाताना दिसत आहे. भरधाव बस इतक्या वेगात येते की ऑटो पूर्णपणे चिरडला जातो.

बसच्या मधोमध ऑटो चिरडला गेल्यामुळे परिसरात खळबळ उडाली. स्थानिकांनी तात्काळ घटनास्थळी धाव घेत ऑटोमधील जखमींना वाचवण्याचा प्रयत्न केला. स्थानिक लोकांच्या मदतीनं सर्व जखमींना तातडीनं जवळच्या रूग्णालयात दाखल करण्यात आले. डॉक्टरांनी तपासून त्यांच्यावर उपचार सुरू केले आहेत.

ऑटोचा चुराडा झाला असून, सुदैवाने ऑटोमधील प्रवाशी सुखरूप आहेत. या घटनेची माहिती पोलिसांना मिळताच त्यांनी घटनास्थळाची पाहणी केली. तसेच दोन्ही बस ताब्यात घेतल्या. सध्या पोलिसांकडून सीसीटीव्ही फुटेजच्या आधारे तपास सुरू आहे. या घटनेनंतर परिसरात खळबळ उडाली.