ओडीशाच्या केओंझार येथील सरकारी शाळेत एक धक्कादायक घटना घडली आहे. शाळेत दुसरीच्या वर्गाच्या शिकणारी एक मुलगी शाळा सुटल्यानंतर देखील शाळेतच अडकून राहिली. शाळा सुटल्यानंतर सर्व मुले घरी गेल्यानंतर ही मुलगी वर्गातच राहिली. रात्रभर एका बंद खोलीत राहल्यानंतर मुलीची अवस्था अत्यंत वाईट झाली होती. मुलगी घाबरलेली होती. तिने अनेकदा बाहेर पडण्याचा प्रयत्न केला मात्र दार बंद असल्याने ती काही करू शकली नाही. सकाळी जेव्हा शाळेतील कर्मचाऱ्यांनी वर्गाचा दरवाजा उघडला तेव्हा त्यांना मुलगी ज्या अवस्थेत दिसली ते पाहून सर्वच घाबरले.

सरकारी शाळेत दुसरीच्या वर्गात शिकणारी मुलगी चुकून वर्गातच राहिली. रात्रभर बंद खोलीत राहल्यानंतर सकाळी जेव्हा दरवाजा उघडला तेव्हा मुलीची बिघडलेली दिसली. ओडीशाच्या केओंझार येथील बंसपाल ब्लॉकमधील सरकारी शाळेतील ही घटना घडली आहे. दुसरीच्या वर्गात शिकणारी ज्योत्स्ना दुहेरी ही वर्गात झोपली होती. दरम्यान सर्व शाळा सुटल्यानंतर ही मुलगी वर्गातच राहिली.

गुरूवारी ज्योत्स्ना शाळेतून घरी आली नसल्याने कुटुंबियांनी देखील विचारपूस केली. दरम्यान रात्रभर शोधाशोध केल्यानंतर पुन्हा दुसऱ्या दिवशी त्यांनी शाळेत जाऊन तपासले असता मुलगी शाळेच्या वर्गातच दिसली. मात्र यावेळी मुलीची तब्येत बिघडली होते. रात्रभर शाळेत एकटं राहिल्यानंतर मुलगी फारच घाबरून गेली होती, तिने अनेकदा बाहेर पडण्याचा प्रयत्न केला मात्र दरवाजा बंद असल्याने तिने ग्रीलमधून बाहेर पडण्याचा प्रयत्न केला आणि तिचे डोके ग्रीलमध्ये अडकले. सकाळी हा सर्व प्रकार पाहून कुटुंबियांना देखील वाईट वाटले त्यांनी तात्काळ मुलीची सुटका करून तिला रूग्णालयात दाखल केले आहे.