राजस्थानच्या सीकर जिल्ह्यातील फतेहपूर शेखावाटीमध्ये मकर संक्रांतीच्या दिवशी मोठी दुर्घटना घडली आहे. भीषण अपघातात एकाच कुटुंबातील ६ महिलांचा मृत्यू झालाय. अपघातादरम्यान कारमध्ये एकाच कुटुंबातील ८ महिला होत्या. अपघातात एक ड्रायव्हर आणि इतर दोघांची प्रकृती गंभीर आहे.

अपघात झाल्यानंतर स्थानिकांनी तातडीने कारमधील मृतदेह बाहेर काढले. तर जखमींना तातडीने रुग्णालयात दाखल केले. अपघाताची माहिती मिळताच पोलिसांनी क्रेनच्या मदतीने चक्काचूर झालेली कार रस्त्यावरून हटवून वाहतूक कोंडी सुरळीत केली. कारमधील महिला लक्ष्मणगढहून फतेहपूरला निघाले होते.

मिळालेल्या माहितीनुसार, फतेहपूरमधील हरसावा गावात ही भीषण अपघाताची दुर्घटना घडली आहे. ट्रक आणि कारची समोरासमोर धडक झाली. या अपघातात एकाच कुटुंबाती ६ महिलांचा मृत्यू झाला. तर तीन जण गंभीर जखमी झाले. अपघातात कार चक्काचूर झाली आहे. अपघातानंतर मृतदेह कारमध्येच अडकले होते.

अपघातस्थळी उपस्थित लोकांनी तातडीने कारमध्ये अडकलेले मृतदेह बाहेर काढले. तर जखमींना कारमधून बाहेर काढून रुग्णालयात दाखल केले. अपघातात ६ मृतांचे मृतदेह धानूका रुग्णालयातील शवगृहात ठेवण्यात आले आहेत. कारमधील महिला अंत्यविधीवरून परतताना ही घटना घडली. कार आणि ट्रकमध्ये आमनेसामने आल्याने अपघाताची घटना घडली. ड्रायव्हरचं नियंत्रण गेल्यानंतर ट्रक थेट कारला धडकली. त्यानंतर रस्त्यावर भीषण अपघात झाल्याचे सांगण्यात येत आहे.

मृताचे नातेवाईकांनी सांगितलं की,'आजोबाची बहिणीचं निधन झालं होतं. त्यांची वयाच्या ८० व्या वर्षी प्राणज्योत मालवली होती. त्यांच्या अंत्यविधीसाठी कुटुंबातील सद्यस्य गेले होते. या अंत्यविधीवरून परतताना भीषण अपघाताची घटना घडली. घरातील पुरुष मंडळी इतर चार कारमध्ये होते. अपघाताची माहिती मिळताच स्थानिक आमदार हाकम अली खां, भाजप नेते मधू सूदन भिंडा यांनी रुग्णालयाला भेट दिली.