राजस्थानमधील दिल्ली-मुंबई द्रुतगती मार्गावर शनिवारी सकाळी एक भीषण अपघात घडला. प्रवाशांनी खचाखच भरलेली मिनी बस रस्त्यालगत असलेल्या नाल्यात कोसळल्याने ८ जणांचा मृत्यू झाला. या बसमध्ये २५ हून अधिक प्रवासी असल्याची प्राथमिक माहिती समोर आली आहे. या दुर्घटनेत अनेक प्रवासी जखमी झाल्याचे सांगण्यात येत असून, अपघातानंतर घटनास्थळी बचावकार्य सुरू करण्यात आले.

मिळालेल्या माहितीनुसार, शनिवारी सकाळी सुमारे सहा वाजण्याच्या सुमारास कोटा जिल्ह्यातील सिमलिया पोलीस ठाण्याच्या हद्दीत हा अपघात झाला. दिल्ली-मुंबई द्रुतगती मार्गावरून प्रवास करणारी मिनी बस अचानक रस्त्यालगतच्या नाल्यात कोसळली. ही बस सुमारे १५ फूट उंचीवरून खाली पडल्याची माहिती आहे. त्यामुळे बसमधील प्रवाशांना मोठा धक्का बसला.

अपघातग्रस्त बस ज्या नाल्यात पडली, तिकडे पाणी आणि चिखल साचलेला होता. त्यामुळे बसमधील प्रवाशांना बाहेर काढताना बचाव पथकाला अडचणींचा सामना करावा लागला. दुर्घटनेची माहिती मिळताच बचाव पथकाने घटनास्थळी धाव घेतली. बसमध्ये अडकलेल्या प्रवाशांना सुरक्षित बाहेर काढण्यासाठी क्रेनची मदत घेण्यात आली. या क्रेनच्या मदतीने जखमी प्रवाशांना बाहेर काढण्याचे प्रयत्न करण्यात आले. बस नाल्यात कोसळल्यामुळे प्रवाशांमध्ये भीतीचे वातावरण निर्माण झाले होते.

अपघाताची तीव्रता लक्षात घेता बचावकार्य वेगाने करण्याचे प्रयत्न सुरू होते. पाणी आणि चिखलामुळे बसपर्यंत पोहोचणे तसेच प्रवाशांची सुटका करणे आव्हानात्मक ठरत होते. या दुर्घटनेत चार जणांचा मृत्यू झाल्याची माहिती समोर आली आहे. बस नेमकी कशामुळे नाल्यात कोसळली, याचे कारणही अद्याप स्पष्ट झालेले नाही. या अपघातामुळे दिल्ली-मुंबई द्रुतगती मार्गावरील प्रवाशांच्या सुरक्षिततेचा प्रश्न पुन्हा चर्चेत आला आहे.