पेपरफुटी प्रकरणानंतर आता E20कडे राहुल गांधींनी लक्ष्य वेधलंय. राहुल गांधींनी E20 संदर्भात एक सूचक पोस्ट केलीये. या पोस्टमुळे E20 चा मुद्दा देशभरात गाजणार आहे... पाहूयात यावरचा हा रिपोर्ट...

नीट पेपरफुटीविरोधात CJPच्या आंदोलनानंतर केंद्रीय शिक्षणमंत्री धर्मेंद्र प्रधानांना राजीनामा द्यावा लागला... त्यामुळे विरोधकांनी संसदेत नीट पेपरफुटीचा मुद्दा लावून ठरल्यानं आंदोलनालाही अभूतपूर्व यश मिळालं...मात्र आता शिक्षण व्यवस्थेतील सुधारणांच्या मुद्द्यानंतर राहुल गांधींनी E20चा मुद्दा हाती घेतलाय़.... E20 पेट्रोलमुळे वाहनाचं नुकसान होत असल्याचा दावा करत स्वत: लोकसभेचे विरोधी पक्षनेते राहुल गांधींनी डेमो दाखवलाय... राहुल गांधी नेमकं काय म्हणाले ऐका...

राहुल गांधींनी स्वत: E20 विरोधात आक्रमक पवित्रा घेतल्यानं E20चा मुद्दा चांगलाच तापणार आहे... याआधी नागपुरात युवक काँग्रेसनं मंत्री नितीन गडकरींच्या घराबाहेर आंदोलन करत E20विरोधात त्यांचा राजीनामा घ्यावा अशी आक्रमक मागणी केली होती... त्यानंतर आपच्या केजरीवालांनी पंतप्रधान मोदींच्या घरावर मोर्चा काढला. त्यामुळे आता विरोधक धर्मेंद्र प्रधानांच्या राजीनाम्यानंतर गडकरींकडे आपला मोर्चा वळणार असल्याची चर्चा आहे... संसदेचा शेवटचा आठवडा नीट पेपरफुटी, विद्यार्थ्यांवरील लाठीचार्जयांसह E20च्या मुद्द्यावरून वादळी ठरणार असल्याची शक्यता आहे...

ब्युरो रिपोर्ट, साम टिव्ही न्यूज