आखातातील युद्ध सुरू संपल्यात जमा असलं तरी जगावरचं इंधन संकट टळण्याऐवजी दिवसेंदिवस अधिकच गडद होत चाललंय. कारण इराण-अमेरिकेनं एकमेकांना शह देण्यासाठी होर्मुझचा जलमार्ग वेठीला धरलाय. जागतिक बाजारपेठेत कच्च्या तेलाचे दर गगनाला भिडले आहेत. आणि यामुळेच पंतप्रधान मोदींनी नेदरलँड दौऱ्यात बोलताना इंधनाच्या बाबतीत गंभीर इशारा दिलाय.

या परिस्थितीचा भारताच्या रुपयावर मोठा परिणाम झालाय. गेल्या काही दिवसांत रुपया डॉलरच्या तुलनेत कसा घसरलाय ते पाहूयात

डॉलरच्या तुलनेत रुपयाची मोठी घसरण

तारीख - 14 मे 2026

डॉलर 95.71 रुपये

तारीख - 15 मे 2026

डॉलर 94.59 रुपये

16 मे 2026

डॉलर 95.96 रुपये

17 मे 2026

डॉलर 95.97 रुपये

18 मे 2026

डॉलर 96.18 रुपये

या वाढत्या दराचे भारतावरही गंभीर परिणाम झाले आहेत. त्यामुळे मोदींनी इंधन बचतीचा सल्ला भारतीयांना दिला होता. तसंच परकीय गंगाजळी वाचण्यासाठी सोनं खरेदीही टाळण्याचं आवाहन केलंय. मात्र नेदरलँडमधल्या भाषणात त्यांनी थेट जगातले बहुसंख्य लोक गरिबीच्या खाईत लोटली जाणार असल्याची भीती व्यक्त केलीय.

याचे चटके आता भारतीयांना बसायला लागले आहेत. देशात काय काय महागलं ते पाहूयात...

महागाईचा भडका

वस्तू दरवाढ

पेट्रोल 3 रुपये

डिझेल 3.11 रुपये

CNG 2 रुपये

दूध 2 रुपये

आखाती युद्धाच्या तात्कालीक कारणाचा भारताला फटका बसला असला तरी रुपया मात्र गेल्या काही महिन्यांपासून घसरत असल्याचं दिसतंय. त्यामुळे भविष्यात देशाची अर्थव्यवस्था आणि परराष्ट्र धोरणांसमोरील आव्हानं कशी पेलली जातात त्यावर सारं भवितव्य अवलंबून आहे.