नवी दिल्ली: राज्यसभेत राष्ट्रपतींच्या अभिभाषणावरील आभार प्रस्तावावरील चर्चेला पंतप्रधान नरेंद्र मोदी (PM Modi Lok Sabha speech) यांनी उत्तर दिलं. यावेळी पंतप्रधान नरेंद्र मोदी यांनी काँग्रेसवर जोरदार निशाणा साधला. यूपीएच्या काळात महागाईने सर्व रेकॉर्ड मोडले होते, तेव्हा महागाई सर्वोच्च स्तरावर होती, असं म्हणत पंतप्रधानांनी काँग्रेसवर घणाघात केला (PM Narendra Modi says Inflation was at its peak during the UPA era in rajya sabha).

राज्यसभेत पंतप्रधान नरेंद्र मोदी (PM Narendra Modi) म्हणाले की, 2021 मध्ये EPFO ​​मध्ये 1.20 कोटी नवीन नोकर्‍या जोडल्या गेल्या आणि त्यापैकी 60 ते 65 लाख लोक 18-25 वयोगटातील आहेत. पूर्वीच्या तुलनेत भरती दुप्पट झाल्याचे अहवालात दिसून आले आहे.

2021 मध्ये, म्हणजे केवळ एका वर्षात जितके युनिकॉन बनले आहेत, ते आतापर्यंत बनलेल्या एकूण युनिकॉन्सच्या संख्येपेक्षा जास्त आहे. रोजगाराच्या गणनेत तो येत नसेल, तर रोजगारापेक्षा राजकारण जास्त चर्चिले जाते. ते म्हणाले की, यूपीएच्या काळात महागाई (Inflation) शिगेला पोहोचली होती. अशा खडतर वातावरणातही आम्ही महागाईला काही प्रमाणात आवर घालण्यासाठी खूप प्रयत्न केले आहेत.

पुढे मोदी म्हणाले की, 2014 ते 2020 पर्यंत हा दर 4 ते 5 टक्क्यांच्या जवळ होता, त्याची तुलना यूपीएच्या काळाशी केली तर तुम्हाला महागाई म्हणजे काय हे कळेल. त्या काळात महागाईचा दर दुहेरी अंकाला स्पर्श करत होता, असं म्हणत पंतप्रधानांनी काँग्रेसला सुनावलं आहे.

Edited By - Nupur Uppal