संतोष शाळीग्राम, नवी दिल्ली

वाराणसी, उत्तर प्रदेश: पंतप्रधान नरेंद्र मोदी आज (१३ डिसेंबर) वाराणसीला भेट देणार आहेत. 13 डिसेंबर रोजी दुपारी एक वाजताच्या सुमारास पंतप्रधान मोदी (PM Modi) श्री काशी विश्वनाथाच्या मंदिरात (Shri Kashi Vishwanath Temple) जाऊन पूजा-अर्चना करतील आणि त्यानंतर ते काशी विश्वनाथ धामच्या पहिल्या टप्प्यातील इमारतींचे उद्घाटन करतील. सुमारे 339 कोटी रुपये खर्चून हा प्रकल्प उभारण्यात आला आहे. (PM Modi to inaugurate 'Shri Kashi Vishwanath Dham' today)

हे देखील पहा -

वाराणसी (Varanasi) दौऱ्यादरम्यान पंतप्रधान 13 डिसेंबर रोजी दुपारी 12 वाजता कालभैरव मंदिराला (Kalbhairav Temple Varanasi) भेट देतील आणि 13 डिसेंबर रोजी संध्याकाळी 6 वाजता रो-रो जहाजातून गंगा आरतीसाठी उपस्थित होतील. 14 डिसेंबरला दुपारी 3:30 वाजता मोदी हे वाराणसीतील स्वरवेद महामंदिर येथे सदगुरु सदाफलदेव विहंगम योग संस्थानच्या 98 व्या वर्धापन दिन सोहळ्याला उपस्थित राहतील. दोन दिवसांच्या दौऱ्यात मोदी आसाम, अरुणाचल प्रदेश, गोवा, गुजरात, हरियाणा,  हिमाचल प्रदेश, कर्नाटक, मध्य प्रदेश, मणिपूर, त्रिपुरा, उत्तर प्रदेश आणि उत्तराखंड या राज्यांच्या मुख्यमंत्र्यांच्या आणि बिहार आणि नागालँडच्या उपमुख्यमंत्र्यांचा सहभाग असलेल्या परिषदेत सहभागी होणार आहेत.

Edited By - Akshay Baisane