नवी दिल्ली - गेल्या 24 तासांत जागतिक बाजारात कच्च्या तेलाच्या किंमतीत कोणताही बदल करण्यात आलेला नाही. मंगळवारी सकाळी सरकारी तेल कंपन्यांनी जारी केलेल्या पेट्रोल (Petrol) आणि डिझेलचे (Diesel) दर जाहीर केले आहे. नोएडा, गाझियाबाद, फरिदाबाद आणि गुरुग्राममध्ये आज इंधनाच्या दरात वाढ झाली आहे. (Petrol Diesel Latest News)

सरकारी तेल कंपन्यांच्या म्हणण्यानुसार, आज सकाळी गौतम बुद्ध नगर जिल्ह्यात (नोएडा-ग्रेटर नोएडा) पेट्रोल 32 पैशांनी महाग होऊन 96.92 रुपये प्रति लिटरवर पोहोचले, तर डिझेल 31 पैशांनी वाढून 90.08 रुपये प्रति लिटरवर पोहोचले. गाझियाबादमध्येही पेट्रोल 32 पैशांनी वाढून 96.58 रुपये प्रतिलिटरवर पोहोचले आहे, तर डिझेल 30 पैशांनी महागले असून ते 89.75 रुपये प्रतिलिटरने विकले जात आहे.

याशिवाय फरिदाबादमध्ये पेट्रोल 27 पैशांनी वाढून 97.49 रुपये आणि डिझेल 26 पैशांनी वाढून 90.35 रुपये प्रति लिटरवर विकले जात आहे. गुरुग्राममध्येही पेट्रोल 7 पैशांनी महाग होऊन 97.04 रुपयांवर पोहोचले आहे, तर डिझेल 7 पैशांनी वाढले असून ते 89.91 रुपये प्रति लिटरने विकले जात आहे.

चार महानगरांमध्ये पेट्रोल-डिझेलचे दर

– दिल्लीत पेट्रोल 96.72 रुपये आणि डिझेल 89.62 रुपये प्रति लिटर

– मुंबईत पेट्रोल 106.31 रुपये आणि डिझेल 94.27 रुपये प्रति लिटर

– चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटर

– कोलकात्यात पेट्रोल 06.03 रुपये. डिझेल 92.76 रुपये प्रति लिटर

घरबसल्या जाणून घेऊ शकता पेट्रोल-डिझेलचे दर

तुम्ही आता घरबसल्या एसएमएसद्वारे पेट्रोल डिझेलचे दैनंदिन दर देखील जाणून घेऊ शकता. त्यासाठी तुम्हाला आपल्या मोबाईलमधून RSP आणि आपल्या शहरातील कोड टाकून 9224992249 या क्रमांकावर मॅसेज पाठवावा लागेल. BPCL ग्राहक RSP आणि त्यांचा शहर कोड 9223112222 या क्रमांकावर पाठवून माहिती मिळवू शकतात. HPCL ग्राहक HPP price आणि त्यांचा शहर कोड लिहून आणि 9222201122 या क्रमांकावर पाठवून किंमत जाणून घेऊ शकतात. 

Edited By - Shivani Tichkule