Maharashtra Political News : हिवाळी अधिवेशनासाठी पप्पू, बाप्पू नागपुरात; रवी राणा यांची ठाकरे पिता-पुत्रांवर बोचरी टीका

Ravi Rana News : राज्याचे हिवाळी अधिवेशन आजपासून नागपुरमध्ये पार पडत आहे. या अधिवेशनासाठी राज्यभरातील नेते, मंत्री नागपूरमध्ये दाखल झाले आहेत. शिवसेना (उद्धव बाळासाहेब ठाकरे) पक्षप्रमुख उद्धव ठाकरे देखील नागपुरात दाखल झाले आहेत. उद्धव ठाकरे नागपुरात दाखल होताच अपक्ष आमदार रवी राणा यांनी उद्धव ठाकरे यांच्या जोरदार टीका केली आहे. हिवाळी अधिवेशनासाठी पप्पू, बाप्पू नागपुरात आले आहेत, अशी बोचरी टीका रवी राणा यांनी केली आहे. (Latest Marathi News)

अपक्ष आमदार रवी राणा यांनी हिवाळी अधिवेशनाच्या पार्श्वभूमीवर ठाकरे पिता-पुत्रावर बोचरी टीका केली आहे. रवी राणा (Ravi Rana) म्हणाले, ' अधिवेशनाला पहिल्यांदा उद्धव ठाकरे आले आहेत. त्यांचं खऱ्या अर्थाने नाव आहे बाप्पू आणि त्यांचा मुलगा पप्पू. ते दोघे हिवाळी अधिवेशनासाठी नागपुरात आले आहेत'.

'मला त्यांना विनंती आहे की, हे अधिवेशन पूर्णपणे चालू द्या. कुठलाही गोंधळ करू नका. हिवाळी अधिवेशनात कोणतंही राजकारण करू नका, असेही रवी राणा पुढे म्हणाले.

दरम्यान, यावेळी भाजप प्रदेशाध्यक्ष चंद्रशेखर बावनकुळे यांनी देखील उद्धव ठाकरे यांच्यावर जोरदार टीका केली. 'अडीच वर्षात नागपुरात का आले नाही, अधिवेशन का घेतलं नाही? मुख्यमंत्री असताना विदर्भाला न्याय देण्याची जबाबदारी नव्हती का? आता विदर्भाची लोक तुमची आरती करणार का? तुमचा काळ गेला आहे. आता देवेंद्र आणि एकनाथजी यांचा काळ आला आहे. तुम्ही कितीही बैठका घ्या, कोणी विचारणार नाही. २०२४ मध्ये तुम्हाला उमेदवारही मिळणार नाही. कशाला गडबड करता, अशा शब्दात बावनकुळे यांनी हिवाळी अधिवेशनावरून उद्धव ठाकरे यांच्यावर टीका केली.