देशातील संसदेच्या सुरक्षेचा भंग करण्याचा पुन्हा एकदा प्रयत्न करण्यात आला आहे. मे महिन्यात तिघेजण बनावट कागदपत्रे दाखवून संसदेच घुसले होते. संसदेच घुसून त्यांनी सुरक्षेचा भंग केला आहे. याचप्रकरणी तिघांना ४ जून रोजी अटक करण्यात आली आहे. दिल्ली पोलिसांनी ही कारवाई केली आहे. तिघांनीही एकच आधार कार्ड वापरुन संसदेत प्रवेश घेतला असल्याचे सांगण्यात येत आहे.

मिळालेल्या माहितीनुसार, संसदेतील IG-3 गेटमधून मोनिस आणि कासिम यांनी एकच आधार कार्ड दाखवून संसदेत प्रवेश केला. याप्रकरणी आता पोलिसांनी कारवाई केली आहे.

मिळालेल्या माहितीनुसार, त्यांनी एका कटाचा भाग म्हणून बनावट कागदपत्रे तयार केली होती. ही कागदपत्रे त्यांनी संसदेत प्रवेश मिळवण्यासाठी वापरले. संसदेच्या सुरक्षा पथकाने त्यांची कागदपत्रे तपासल्यावर सारखा आधार नंबर असल्याचे समजले. एकच आधार नंबर परंतु तीन वेगवेगळे फोटो समोर आले. त्यानंतर पोलिसांनी चौकशी केली. पोलिसांनी या तिघांवरही गुन्हा दाखल केला आहे.

याप्रकरणी दिल्ली पोलिसांनी माहिती दिली आहे. कासिम, मोनिस आणि शोएब अशी आरोपींची नावे आहेत. या तिघांविरोधात भारतीय दंड संहितेच्या वेगवेगळ्या कलमांतर्गत बनावटगिरी आणि फसवणूक केल्याप्रकरणी गुन्हा दाखल करण्यात आला आहे. सीआयएनने ४ जून रोजी तिन्ही आरोपींना अटक केली आहे. त्यांना चौकशीसाठी दिल्ली पोलिसांच्या ताब्यात देण्यात आली आहे. या तिघांनीही ४ मे रोजी दुपारी दीडच्या सुमारास बनावट कागदपत्रे दाखवून संसदेत प्रवेश करण्याचा प्रयत्न केला होता.

याआधीही ससंदेच्या सुरक्षेचा भंग करण्याचा प्रयत्न

याआधीही १३ डिसेंबर रोजी संसदेत सुरक्षेचा भंग करण्यात आला होता. १३ डिसेंबरला लोकसभेच्या कामकाजादरम्यान दोन लोकांनी प्रेक्षक गॅलरीतून उडी मारील संसदेत धूर सोडला होता. याप्रकरणी सहा जणांना अटक करण्यात आली आहे.