ईद नमाजानंतर हल्ला

मिळालेल्या माहितीनुसार, ईदच्या नमाजासाठी लष्कर मुख्यालयात संघटनेचे अनेक वरिष्ठ सदस्य उपस्थित होते. यामध्ये मौलाना अबू जर आणि मौलाना अब्दुल रहमान आबिद याचाही समावेश होता. नमाज संपल्यानंतर बिलाल आरिफ सलाफी प्रार्थना स्थळाबाहेर पडत असताना दोन हल्लेखोरांनी त्याच्यावर हल्ला केला.

बिलालला आधी गोळी मारण्यात आली. त्यानंतर चाकूने भोसकून ठार करण्यात आले. त्याच्या हत्येमुळे पाकिस्तानात लपून बसलेल्या हाफिज सईदसारख्या दहशतवादी नेत्यांमध्ये दहशत पसरली आहे. या हल्लेखोरांमध्ये महिलेचा समावेश होता. महिलेने चाकूने वार करून त्याची हत्या केली. हा हल्ला अत्यंत नियोजित होता.

प्रत्यक्षदर्शी व्हिडिओमुळे संशय वाढला

हल्ल्यानंतर इतर सदस्यांनी सलाफीला रुग्णालयात नेले, मात्र रुग्णालयात पोहोचण्यापूर्वीच त्याचा मृत्यू झाला. दरम्यान, या घटनेनंतर समोर आलेल्या व्हिडिओमध्ये सलाफी रक्ताच्या थारोळ्यात पडलेला दिसत आहे. या व्हिडिओमध्ये लष्करचा प्रशिक्षण प्रमुख मौलाना अबू जर याला दुसऱ्या व्यक्तीने पकडून ठेवलेले दिसतंय.

कोण होता बिलाल आरिफ सलाफी

बिलाल आरिफ सलाफी हा लष्कर-ए-तोयबाचा एक प्रमुख कमांडर होता. जो तरुणांची भरती करणे, कट्टर विचारसरणीचा प्रसार करणे आणि त्यांना प्रशिक्षण देत होता. तरुणांना कट्टरपंथी बनवणे आणि त्यांना "काश्मीर जिहाद"साठी संघटनेत सामील करून घेणे ही त्याची प्रमुख भूमिका होती. बिलाल आरिफ सलाफी २००५ पासून लष्कर-ए-तैयबाशी संबंधित होता. तो संघटनेसाठी निधी गोळा करण्याचे काम करत होता. या निधीचा वापर शस्त्रे खरेदी आणि दहशतवादी कारवायांसाठी केला जात असल्याचा त्याच्यावर आरोप आहे.