Nokia Smartphone: तुम्ही जर नोकियाचा स्मार्टफोन (Nokia Smartphone) विकत घेण्याचा विचार करत असाल तर ही बातमी तुमच्यासाठी खूपच महत्वाची आहे. कारण नोकिया कंपनीने आपल्या एका प्रिमियम स्मार्टफोनची किंमत खूपच कमी केली आहे. नोकियाने आपल्या Nokia X30 5G या स्मार्टफोनची किंमत तब्बल 12 हजार रुपयांनी कमी केली आहे. त्यामुळे अगदी स्वस्तात तुम्ही हा स्मार्टफोन खरेदी करु शकता.

Nokia X30 5G चे खास वैशिष्ट्य म्हणजे हा स्मार्टफोनला IP67 रेटेड वॉटर रेजिस्टेंस मिळतो. याचाच अर्थ की, हा स्मार्टफोन पाण्यात पडला तरी तो खराब होणार नाही. तसं पाहायला गेलं तर भारतामध्ये Nokia X30 5G या स्मार्टफोनची किंमत 48,999 रुपये ऐवढी आहे. पण कंपनीने या स्मार्टफोनवर आता 12 हजारांची सूट दिली आहे. त्यामुळे आता हा स्मार्टफोन तुम्ही फक्त 36,999 रुपयांमध्ये खरेदी करु शकता.

Nokia X30 5G हा स्मार्टफोन फक्त 8GB +256 GB व्हेरिएंटमध्ये उपलब्ध आहे. तसंच, क्लाउड ब्लू आणि आइस व्हाइट या दोन कलरमध्ये हा स्मार्टफोन उपलब्ध आहे. हा स्मार्टफोन खरेदी करताना तुम्ही बँक ऑफर्सचा देखील फायदा घेऊ शकता. त्यामुळे आणखी स्वस्तामध्ये तुम्हाला हा स्मार्टफोन खरेदी करात येऊ शकतो.

नोकियाच्या या स्मार्टफोनमध्ये 6.43-इंचाचा FHD + AMOLED डिस्प्ले आहे. डिस्प्ले 90Hz रिफ्रेश रेट, 700 nits च्या पीक ब्राइटनेस आणि गोरिल्ला ग्लास व्हिक्टस प्रोटेक्शनसह येतो. या स्मार्टफोनमध्ये स्नॅपड्रॅगन 695 SoC प्रोसेसर आहे. जो 8GB RAM आणि 256GB स्टोरेजशी संबंधित आहे.

कनेक्टिव्हिटीसाठी कंपनीने या स्मार्टफोनमध्ये 5G, 4G LTE, Wi-Fi 6, Bluetooth 5.1, NFC असे पर्याय दिले आहेत. या स्मार्टफोनमध्ये 4200mAh बॅटरी आहे. जी 33W फास्ट चार्जिंगला सपोर्ट करते. या स्मार्टफोनचे डिव्हाइस Android 12 वर चालते.