Nobel Prize In Physiology 2024 Latest News : अमेरिकी शास्त्रज्ञ व्हिक्टर अॅम्ब्रोस (Victor Ambros) आणि गॅरी रवकुन (Gary Ruvkun) यांना वैद्यकशास्त्रातील (औषध आणि शरीरशास्त्र) नोबेल पुरस्कार २०२४ जाहीर झाले आहेत. 'मायक्रो आरएनए'चा शोध आणि पोस्ट ट्रान्सस्क्रिप्शनल जीन रेग्युलेशनमध्ये त्याचे महत्वपूर्ण योगदान यासाठी अॅम्ब्रोस आणि रवकुन यांना या प्रतिष्ठेच्या पुरस्काराने सन्मानित करण्यात आले आहे.
दरवर्षीप्रमाणेच वैद्यकशास्त्रातील नोबेल पुरस्काराची घोषणा सर्वात आधी करण्यात येते. सर्वात प्रतिष्ठेच्या मानल्या जाणाऱ्या नोबेल पुरस्कारांच्या पाच विभागातील विजेते शास्त्रज्ज्ञ, तज्ज्ञ, साहित्यिक- विचारवंतांची नावे येणाऱ्या काही दिवसांत घोषित करण्यात येतील. स्वीडनच्या करोलिंस्का इन्स्टिट्युट मेडिकल युनिव्हर्सिटीच्या नोबेल अॅसेम्बलीकडून वैद्यकशास्त्रातील विजेत्यांची नावे निवडली जातात. विजेत्यांना ११ दशलक्ष स्वीडिश क्रोनर म्हणजेच जवळपास ८.९१ कोटी रुपयांचे रोख पारितोषिक देण्यात येते.
नोबेल अॅसेम्बलीच्या माहितीनुसार, अॅम्ब्रोस आणि रवकुन यांनी मायक्रो आरएनए (microRNA) चा शोध लावला. त्याची जैव विकास आणि कार्यपद्धतीत अत्यंत मोलाची अशी भूमिका आहे. अॅम्ब्रोस यांच्या संशोधनामुळं त्यांना हॉर्वर्ड विद्यापीठाचा पुरस्कार मिळाला. ते सध्या मेसाचुसेट्स मेडिकल स्कूल विश्वविद्यालयात नैसर्गिक विज्ञान विषयाचे प्राध्यापक आहेत.
रुवकुन यांनी मॅसाचुसेट्स जनरल हॉस्पिटल आणि हॉर्वर्ड मेडिकल स्कूलमध्ये संशोधन केलं. त्या ठिकाणी ते प्राध्यापक म्हणून कार्यरत आहेत, असे नोबेल समितीचे महासचिव थॉमस पर्लमॅन यांनी सांगितले.
मागील वर्षी वैद्यकशास्त्रातील नोबेल पुरस्कार (Nobel Prize in Medicine) कॅटालिन कारिको आणि ड्रू व्हिजमॅन यांना देण्यात आला होता. त्यांनी कोविड १९ (Covid 19) प्रतिबंधात्मक एमआरएनए लस विकसित करण्यास त्यांच्या संशोधनाची मदत झाली. जीवघेण्या कोरोनाच्या प्रसाराचा वेग कमी करण्यात त्यांच्या या संशोधनानं महत्वाची भूमिका बजावली होती.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.