रेल्वे मंत्रालयाने वंदे भारत ट्रेनबाबत महत्त्वाची घोषणा केल आहे. देशात आणखी एक वंदे भारत ट्रेन सुरु केली जाणार आहे. एक ट्रेन सुरु होत असली तरीही सध्याच्या दोन ट्रेन बंद केल्या जाणार आहेत. याच आठवड्यात दोन वंदे भारत ट्रेन बंद होणार आहे.

नवीन वंदे भारत ट्रेन (Vande Bharat New Train Launch)

नवीन वंदे भारत एक्सप्रेस ट्रेन ही थेट राजस्थान गुजरात या दोन राज्यांना जोडणार आहे. नवीन सेमी हाय स्पीड ट्रेन उदयपुर ते असरवा (अहमदाबाद) अशी धावणार आहे.या ट्रेनमुळे थेट राजस्थानवरुन अहमदाबाद गाठला येणार आहे. यामुळे या प्रदेशातील कनेक्टिव्हिटी वाढेल. याचसोबत अर्थव्यवस्था वाढण्यात मदत होईल. एनडब्ल्यूआरने उदयपुर सिटी ते असरवा वंदे भारतची घोषणा केली आहे.

नवीन ट्रेनचे वेळापत्रक (Vande Bharat Udaipur City to Asarva ahmedabad Train)

उदयपुर सिटी-असरवा (अहमदाबाद)- उदयपुर सिटी ट्रेन मंगळवार सोडून आठवड्याचे सहा दिवस धावणार आहे. ही ट्रेन सकाळी ६.१० वाजता उदयपुर सिटी येथून निघणार आहे. ट्रेन १०.२५ मिनिटांनी असरवा येथे पोहचणार आहे. हीच ट्रेन परत असरवा येथून संध्याकाळी ५.४५ वाजता निघणार आहे. ही ट्रेन रात्री १० वाजता पोहचणार आहे. ट्रेन जवार, डुंगारपुर, हिम्मत नगर स्टेशनवर थांबणार आहे. ही ट्रेन १६० किमी ताशी धावणार आहे.

नवीन सेमी हाय स्पीड वंदे भारत ट्रेनमुळे प्रवास आरामदायी होणार आहे. प्रवाशांना राजस्थानवरुन थेट अहमदाबादला जाता येणार आहे. या निर्णयामुळे हजारो प्रवाशांना फायदा होणार आहे. याचसोबत प्रवासाचा वेळदेखील वाचणार आहे.