NCERT

राष्ट्रीय शैक्षणिक संशोधन आणि प्रशिक्षण परिषद आपल्या पाठ्यपुस्तकांमध्ये टप्प्याटप्प्याने काही ना काही बदल करत असते. कधी अभ्यासक्रमात काहीतरी समाविष्ट केले जाते तर कधी हटवले जाते. आता एनसीईआरटीने एक मोठा निर्णय घेतला असून पुस्तकांमध्ये इंडिया ऐवजी भारत या शब्दाचा उल्लेख असणार आहे. एनसीईआरटीने याला मंजुरी दिली आहे. यावरून पुन्हा एकदा वाद निर्माण होण्याची शक्यता आहे.

केंद्र सरकाने अलिकडेच इंडिया ऐवजी भारत शब्द वापरण्यावर जोर दिला होता. जी-२० परिषदेतही भारत असा उल्लेख करण्यात आला होता. त्यामुळे सरकारवर टीकेची झोड उठली होती. मात्र, केंद्र सरकाने या टीकेला दाद न देता भारत असा उल्लेख करण्यास सुरुवात केली त्याची सुरुवात राष्ट्रीय शैक्षणिक संशोधन आणि प्रशिक्षण परिषद आपल्या पाठ्यपुस्तकांपासून झाली आहे.

या आधीही मोठे बदल

२०२२ मध्ये एनसीईआरटीने मोठा निर्णय घेताना अभ्यासक्रमातून ३३ टक्के भाग वगळला होता. यामध्ये गुजरात दंगल, मुगल कोर्ट, आणीबाणी, शीतयुद्ध, नक्षलवादी चळवळीसारखे विषय हटवण्यात आले होते. एनसीईआरटीने याबात भूमिका स्पष्ट करताना, वगळण्यात आलेल्या विषयांच्या जागी नविन विषय समाविष्ट करण्यात आले आहेत. त्यामध्ये जीएसटी, डिजिटल इंडिया, स्वच्छ भारत, बेटी बचाओ, बेटी पढाओ या विषयांचा समावेश आहे.