Shivraj Singh Chauhan Meets Muslim women :

मध्य प्रदेशच्या विधानसभा निवडणुकीत भाजपला मोठा विजय मिळला. शिवराज सिंह चौहान यांची 'लाड़ली बहना' या योजनेचा भाजपला मोठा फायदा झाला. महिलांनी मोठ्या संख्येने भाजपला मतदान केलं. परंतु भाजपला मतदान करणं सीहोर येथील एका मुस्लीम महिलेला महागात पडलं. भाजपला मतदान केल्यामुळे या महिलेला तिच्या दीराने मारहाण केली. आज शिवराज सिंह चौहान यांनी या महिलेची भेट घेतली. शिवराज सिंह चौहान भेटल्यानंतर महिला रडू आलं या घटनेचा व्हिडिओ व्हायरल झालाय.(Latest News)

मध्य प्रदेश सरकारची योजना 'लाड़ली बहना' या योजनेने प्रभावित होत मुस्लीम महिलेने भारतीय जनता पक्षाला मतदान केलं होतं. तीन डिसेंबरला मध्य प्रदेशसह चार राज्यातील विधानसभा निवडणुकांचे निकाल जाहीर झाले. यातील तीन राज्यात भाजपचा मोठा विजय झाला. या राज्यांमध्ये भाजपचं सरकार स्थापन होणार आहे. मध्य प्रदेशातही भाजपचा विजय झाल्याने ही मुस्लीम महिला खूप आनंदी झाली होती.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

भाजपच्या विजयाचा आनंद साजरा करत असताना तिच्या दीराने तिला आनंदी होण्याचं कारण विचारलं. त्यावेळी तिने त्यांना सांगितलं की, राज्यात भाजपचा विजय झाला. त्यावेळी या महिलेच्या दीराला राग आला आणि त्याने तिला काठीने मारहाण केली. दरम्यान आज शिवराज सिंह चौहान यांनी या पीडित महिलेची भेट घेतली. शिवराज सिंह चौहान भेटल्यानंतर ही महिलेला रडू कोसळलं.

दरम्यान मारहाण झाल्यानंतर ही महिलेने पोलीस स्टेशनमध्ये तक्रार दिली. परंतु पोलिसांनी कोणतीच कारवाई केली नसल्यानं ही महिला आपल्या वडिलांना घेऊन जिल्हाधिकारी कार्यालयात गेली होती. जिल्हाधिकाऱ्यांनी पोलिसांना कारवाईचे आदेश दिल्यानंतर पोलिसांनी आरोपी दीराविरोधात तक्रार दाखल केली आहे.