Hizbul Commander Javed Arrest

जम्मू काश्मीरमधील अनेक अतिरेकी कारवायांमध्ये सामिल असलेल्या हिजबुल मुजाहिदीनचा मोस्ट वॉन्टेड दहशतवादी जावेद अहमद मट्टूला दिल्लीत बेड्या ठोकण्यात आल्या आहेत. दिल्ली पोलिसांच्या स्पेशल सेलच्या दहशतवादविरोधी पथकानेही कारवाई केली असून तो हिजबुलचा कमांडर होता. सरकारने त्याच्यावर १० लाख रुपयांचं बक्षिस ठेवलं होतं.

दरम्यान त्याच्या भावाने जम्मू काश्मिरमधील घराबाहेर तिरंगा फडकवला होता. त्याचे फोटो आणि व्हिडिओ समाजमाध्यमांवर व्हायरल होत आहे. जावेद सोपोरचा रहिवाशी असून तो अनेकवेळा पाकिस्तानमध्ये जाऊन आला आहे. तसेच तो हिजबुलचा कमांडर होता. दरम्यान सुरक्षा यंत्रणांनी अलिकडच्या काळात हिजबुलच्या अनेक दहशतवाद्यांचा खात्मा केला आहे.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जावदेला अटक केल्यानंतर त्याच्याकडे पिस्तुल, मॅगजिन, चोरीची गाडी आढळून आली आहे. पोलिसांची हत्या आणि ग्रेनेड हल्ल्यांमध्ये त्याचा सहभाग असून त्याचे अनेक साथीदार भारतात कारवाया करून पाकिस्तानमध्ये आश्रय घेतात. त्यांचा पाकिस्तानमध्ये सध्या मुक्त संचार आहे. काश्मीरमधील कारवायांनंतर तो भूमीगत होता.