युगांडामध्ये झालेल्या एका भीषण रस्ते अपघातात ६३ जणांचा मृत्यू झालाय. गुलू शहराच्या महामार्गावर बस, ट्रक आणि कारचा तिहेरी अपघात झालाय. पोलिसांच्या माहितीनुसार, हा अपघात पहाटेच्या सुमारास झाला. विरुद्ध दिशेने जाणाऱ्या दोन बस चालकांनी एकमेकांना ओव्हरटेक करण्याचा प्रयत्न केला, त्यावेळी दोन्ही वाहनाची धडक झाली. अपघातात जखमी झालेल्यांना रुग्णालयात दाखल करण्यात आले असून पोलिसांनी या दुर्घटनेप्रकरणी तपास सुरू केला आहे.

बुधवारी युगांडामध्ये एक भीषण रस्ता अपघात झाला. गुलू शहराकडे जाणाऱ्या महामार्गावर दोन बस आणि इतर दोन वाहनांची टक्कर झाली. या अपघातात किमान ६३ जणांचा मृत्यू झाला. पोलिसांच्या म्हणण्यानुसार, हा अपघात पहाटेच्या सुमारास झाला आणि अलिकडच्या काळात पूर्व आफ्रिकन देशातील सर्वात भीषण रस्ते अपघातांपैकी एक आहे. या भीषण रस्ते अपघातात अनेक जण जखमी झाल्याची माहिती आहे.

दोन्ही बस विरुद्ध दिशेने जात होते. त्या बसेस समोरून एकमेकांना ओव्हर टेक करत होत्या. त्याच प्रयत्नात हा अपघात झाल्याची माहिती पोलिसांनी दिली. यगांडा आणि पूर्वी आफ्रिकेमध्ये वारंवार अपघात होत असतात. रुंद रस्ते नसल्यानं येथे अपघात वारंवार घडतात. पण पोलिसांच्या मते, या अपघातांसाठी वाहनांचा वेग जबाबदार आहेत. त्याचप्रमाणे, ऑगस्टमध्ये केनियामध्ये एका अंत्यसंस्कारातून परतणाऱ्या लोकांचा हा अपघात झाला होता. या अपघातात २५ जणांचा मृत्यू झाला होता.

युगांडामध्ये बुधवारी झालेल्या अपघातातील मृतांची संख्या अजूनही जास्त आहे. रेड क्रॉसच्या प्रवक्त्या इरेन नाकासिता यांनी या घटनेवर प्रतिक्रिया दिली आहे. जखमींचे हातपाय तुटले होते आणि रक्तस्त्राव होत होता, असे त्यांनी सांगितले. ही घटना गंभीर स्वरूपाची असल्याचे त्यांनी सांगितले.