दिल्लीमधील आनंद विहारमधील एका हॉस्पिटलला भीषण आग लागल्याची घटना घडलीय. आगीच्या भक्ष्यस्थानी ऑक्सिजन सिलेंडर सापडलेत. उर्वरित ऑक्सिजन सिलिंडर वेळेवर बाहेर काढण्यात आले, अन्यथा मोठी दुर्घटना घडू शकली असती. रुग्णालयात असलेल्या रुग्णांना खिडक्यांच्या काचा फोडून बाहेर काढण्यात आलं आणि त्यांना सुरक्षितस्थळी हलवण्यात आलंय. दरम्यान या आगीत एकाचा मृत्यू झालाय. मृताचं नाव अमित आहे. तो हाऊसकीपिंग स्टाफमध्ये काम करत होता. आग लागल्यानंतर अमितने स्वतःला स्टोअर रूममध्ये कोंडून घेतले होतं, ज्यामुळे त्याचा गुदमरून मृत्यू झाला.

आनंद विहारमध्ये कोसमॉस हॉस्पिटल आहे. शनिवारी दुपारी शॉर्ट सर्किटमुळे रुग्णालयात भीषण आग लागली. आग लागल्याची माहिती होताच रुग्णालयातील कर्मचाऱ्यांनी दिल्ली अग्निशमन दलाला पाचारण केलं. घटनेची माहिती मिळताच अग्निशामक दलाच्या तीन गाड्या घटनास्थळी दाखल झाल्या. त्यानंतर लागलीच बचाव कार्य सुरू केलं.

दिल्ली अग्निमाक दलाच्या नुसार हॉस्पिटलमधील रुग्णांना खिडक्यांच्या काचा तोडून बाहेर काढण्यात आलं. तसेच ऑक्सिजन सिलेंडर वेळीच बाहेर काढण्यात आल्यानं मोठा अनर्थ टळला.

आगीच्या घटनेत रुग्णालयातील हाऊसकीपिंग कर्मचारी अमितचा मृत्यू झाला. तर चार जण बेशुद्ध पडलेत. हे बेशुद्ध झालेले लोक रुग्ण आहेत की त्यांचे परिचारक आहेत हे अद्याप कळलेले नाहीये.

शॉर्ट सर्किटमुळे लागली आग

स्थानिकांनी सांगितलं की, हॉस्पिटलमध्ये KOSMOS हॉस्पिटलमध्ये शॉर्ट सर्किटमुळे आग लागली. आग लागल्यानंतर ऑक्सीजन सिलेंडर ब्लास्ट झाला. हॉस्पिटलमध्ये संपूर्ण धूर पसरला होता. रुग्णांना बाहेर काढण्यासाठी रस्ता दिसत नसल्यानं त्यांना खिडक्या तोडून बाहेर काढण्यात आलं.