मध्य पूर्वेकडील देशांमधील युद्ध परिस्थितीचा जगावर परिणाम होत आहे. युद्धामुळे इंधना आणि एलपीजी गॅसची आयात कमी होत आहे. यामुळे एलपीजी आणि पेट्रोल डिझेलचे दर वाढण्याची शक्यता वर्तवली जात आहे. दरम्यान, आता एक दिलासादायक बातमी समोर आली आहे. भारताने एलपीजी गॅससाठी इराणसोबत भागीदारी केल आहे. २०१९ नंतर पहिल्यांदाच भारताने इराणकडून एलपीजी खरेदी केली आहे. अमेरिकेने इराणवरील काही निर्बंध शिथिल करण्याचे संकेत दिल्यानंतर हे पाऊल उचलण्याचे आले आहे.

सूत्रांनी दिलेल्या माहितीनुसार, इराणकडून येणारा एलपीजीचा साठा चीनला जाणार होता. परंतु भारताने संपर्क साधून हा साठा भारतात आणण्यासाठी प्रयत्न केले. हे जहाज मंगळुरु बंदरात दाखल होईल. हा गॅस देशातील तीन तेल कंपन्यांना वितरित केला जाईल. इंडियन ऑइल, भारत पेट्रोलियम आणि बिंदुस्तान पेट्रोलियम या तीन देळातील सरकारी तेल कंपन्या आहे. त्या संपूर्ण देशात गॅस पुरवठा करतात.

रुपयांमध्ये व्यव्हार

या कराराचे सर्वात मोठे वैशिष्ट्य म्हणजे पेमेंट मोड. या एलपीजी साठ्याचे पेमेंट भारत रुपयांमध्ये करणार आहे. त्यामुळे डॉलरवर कमी अवलंबून राहावे लागेल. यामुळे परकीय चलन साठ्यावरील दबाव कमी होणार नाही परंतु आंतरराष्ट्रीय स्तरावर रुपयाची विश्वासार्हता वाढणार आहे. या एका पाऊलामुळे भारताला खूप फायदा होणार आहे.

भारत हा देशातील दुसरा सर्वात मोठा एलपीजी आयात करणारा देश आहे. देशातील गरजेपैकी ६० टक्के गॅस हा आयात होतो. यातील जास्तीत जास्त गॅस मध्य पूर्वेकडून भारतात येते. होमुर्झच्या सामुद्रधुनी येथे सुरु असलेल्या युद्धामुळे पुरवठा करण्यास व्यत्यय येतो. परंतु एलपीजी गॅसची खरेदी भारतासाठी खूप फायदेशीर ठरणार आहे.