कर्नाटक : महाराष्ट्र (maharashtra) प्रमाणेच कर्नाटक (karnatak) राज्यात देखील विविध जिल्ह्यांना पावसाचा (rain) माेठा फटका बसला आहे. मुसळधार पावसामुळे कर्नाटक राज्यातील मडिकेरीजवळ भूस्खलन होऊन गेल्या 24 तासांत 128 विद्युत खांबांचे नुकसान झाले आहे. पावसामुळे जनजीवन विस्कळीत झाले आहे. हवामान खात्याने कोडागूमध्ये (Kodagu) ऑरेंज अलर्ट (Orange Alert In Kodagu) घोषित केला आहे. (Rain Latest Marathi News)

कर्नाटकात मान्सून सक्रिय झाल्यानंतर 27 जूनपासून पाच ठिकाणी दरडी कोसळल्या. मडिकेरी तालुक्यातील तलथमाने येथे सोमवारी माेठ्या प्रमाणात दरड काेसळल्याने कोडागुच्या आपत्ती व्यवस्थापन विभागाने तातडीने घटनेची दखल घेत या भागात मदत कार्य सुरु केले.

गेल्या वर्षी कोडगूमध्ये (चार जूलैस) 0.59 मिली मीटर पावसाची नोंद झाली. यंदा (चार जूलैस) 48 मिली मीटर पावसाची नोंद झाली. गेले दाेन दिवस पडत असलेल्या पावसामुळे आणि हवामान खात्याने जिल्हा ऑरेंज अलर्टमध्ये असल्याचे जाहीर केल्याने प्रशासनाने खबरदारी म्हणून कोडगू जिल्ह्यातील अंगणवाडी, शाळा आणि महाविद्यालयांना सुट्टी जाहीर केली आहे.

Edited By : Siddharth Latkar