इराण आणि इस्त्रायल या दोन्ही देशांमध्ये मागील ११ दिवसांपासून युद्ध सुरु आहे. अमेरिकेने शनिवारी रात्री उशिरा युद्धात उडी मारली. अमेरिकेने शनिवारी रात्री इराणच्या तीन अणुकेंद्रावर बॉम्ब हल्ले केले. त्यानंतर इराणने आता सीरियातील अमेरिकेतील लष्करी तळावर हल्ला केला. या हल्ल्याचा घटनेला इराणच्या वृत्त संस्थेने दुजोरा दिला आहे.

इराणच्या Mehr News Agency ने दिलेल्या माहितीनुसार, इराणने अमेरिकेला जोरदार प्रत्युत्तर दिलं आहे. इराणने अमेरिकेचं सीरियातील लष्करी तळ उद्ध्वस्त केलं आहे. इराणचे राजदूत आमिर सई इरावनी यांनी म्हटलं की, अमेरिकेने आमचं जितकं नुकसान केलं. आम्ही तितकंच नुकसान केलं आहे. इराण प्रत्युत्तर देण्यास सक्षम आहे'.

इराणच्या जवळ असलेल्या इराकमध्ये अमेरिकेचं लष्करी तळ आहे. त्यानंतर सीरियात लष्करी तळ आहे. इराण आणि सीरियाचं अंतर ११०० किलोमीटरचं आहे. इराणने अमेरिकेच्या याच लष्करी तळावर हल्ला केला आहे. इराणच्या हल्ल्यात या लष्करी तळाचं किती नुकसान झालं, याची माहिती अद्याप समोर आलेली नाही. या हल्ल्यावर अमेरिकेकडून कोणतीही प्रतिक्रिया देण्यात आलेली नाही. मात्र, आता युद्ध आणखी तीव्र होऊ शकतं.

दरम्यान, अमेरिकेने शनिवारी रात्री इराणच्या तीन अणुप्रकल्पावर हल्ला केला. या हल्ल्यानंतर इराणने पहिली प्रतिक्रिया दिली आहे. दुसरीकडे इराणने अमेरिकेच्या हल्ल्याआधी अणुप्रकल्पाचे युरेनियमचे साठे इतरत्र नेत्याचा दावा केला आहे. अमेरिकेच्या हल्ल्यानंतर आता इराणनेही हल्ला केला आहे. इराणने सीरियातील अमेरिकेच्या लष्करी तळावर हल्ला केला. इराणच्या हल्ल्यानंतर डोनाल्ड ट्रम्प काय भूमिका घेणार, याकडे साऱ्यांचे लक्ष लागलं आहे.