Summary -

• इराण-इस्राइल युद्धामुळे जागतिक अर्थव्यवस्थेवर परिणाम होणार

• शेअर बाजारात १ ते २ टक्क्यांची घसरण होण्याची शक्यता

• सोनं-चांदी आणि कच्च्या तेलाच्या किमतींमध्ये मोठी वाढ होणार

इराण-इस्राइलमध्ये युद्धाचा भडका उडाला आहे. इराणवर अमेरिका- इस्रायलने संयुक्तरित्या हल्ला केल्यामुळे तणावाचे वातावरण आहे. दोन्ही देश एकमेकांवर हल्ले करत आहेत. या युद्धाचा फटका आता संपूर्ण जगाला बसताना दिसत आहे. इराणमध्ये अनेक देशातील नागरिक अडकले आहेत. तर दुसरीकडे या युद्धामुळे कच्च्या तेलाच्या किमती ५ ते १० टक्क्यांनी वाढण्याची शक्यता व्यक्त केली जात आहे. तर सोनं आणि चांदीचे दर देखील वाढण्याचा अंदाज वर्तवला जात आहे. तर या युद्धामुळे जागतिक शेअर बाजार १ ते २ टक्क्यांनी आणि क्रिप्टोकरन्सी ३ ते १० टक्क्यांनी घसरण्याची शक्यता व्यक्त केली जात आहे.

इराण-इस्राइल युद्धामुळे कच्च्या तेलाच्या किमतीत लक्षणीय वाढ होण्याची शक्यता आहे. इराणवर इस्रायल आणि अमेरिकेकडून हल्ले केले जात आहेत तर इराणी सैन्यही प्रत्युत्तर देत आहे. या युद्धामुळे शेअर बाजारातील गुंतवणूकदारांमध्ये मोठी चिंता निर्माण झाली आहे. या युद्धाचा परिणाम म्हणून अमेरिका आणि भारतीय बाजारपेठांमध्ये २ टक्क्यांपर्यंत घसरण होऊ शकते. क्रिप्टोकरन्सीमध्येही लक्षणीय घट होऊ शकते असा अंदाज आहे. तर दुसरीकडे सोने आणि चांदीमध्ये लक्षणीय वाढ होऊ शकते.

या सर्व परिस्थितीमध्ये सोनं-चांदीच्या किमती अल्पावधीत १० ते १५ टक्क्यांपर्यंत वाढू शकतात. भारतामध्ये १ तोळा सोन्याचे दर १ लाख ८५ हजारांपर्यंत जाऊ शकतात. तर भारतामध्ये चांदीचे दर ३ लाख २० हजारांपर्यंत जाऊ शकतात आणि आंतरराष्ट्रीय बाजारामध्ये १०० डॉलरपार जाऊ शकतात. सोनं आणि चांदीच्या दरवाढीला एक नवा ट्रिगर मिळाला आहे. याचा परिणाम बराच काळ देखील दिसू शकतो.

याचाच परिणाम म्हणून शेअर बाजारात लक्षणीय घसरण होऊ शकते. परदेशी माध्यमांच्या वृत्तानुसार, अमेरिकन शेअर बाजारासह जागतिक शेअर बाजारात १ ते २ टक्क्यांची घसरण होण्याची शक्यता आहे. विकेंद्रित एक्सचेंज, नॅस्डॅकमध्ये आधीच १ टक्क्यांहून अधिक घसरण झाली आहे. तज्ज्ञांच्या मते, भारतीय शेअर बाजारातही १ ते २ टक्क्यांची घसरण होऊ शकते. शुक्रवारी सेन्सेक्समध्येही १ टक्क्यांहून अधिक घसरण दिसून आली. सोमवारी सेन्सेक्स ८०,००० अंकांच्या खाली येऊ शकतो असा अंदाज वर्तवला जात आहे.