कुंकू लावणे विवाहित महिलेचं धार्मिक कर्तव्य असून ती लग्न झालेल्या महिलेची निशाणी आहे, असं निरीक्षण इंदूर कौटुंबिक न्यायालयाने एका खटल्याची सुनावणी करताना नोंदवलं. इतकंच नाही, तर न्यायालयाने महिलेला कुंकू लावून ताबडतोब पतीकडे जाण्याचे आदेश देखील दिले. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
सुनावणीदरम्यान, कौटुंबिक न्यायालयाने (family court) आसामच्या गुवाहाटी उच्च न्यायालयाच्या आदेशाचा हवाला दिला. विवाहितेने कुंकू न लावणे ही क्रूरता ठरेल, असे उच्च न्यायालयाने म्हटले होते. इंदूर येथील एका व्यक्तीने वैवाहिक संबंध पूर्ववत करण्यासाठी कौटुंबिक न्यायालयात याचिका दाखल केली होती.
या याचिकेवर सुनावणी घेताना कोर्टाने हा निकाल दिला आहे. याचिकाकर्त्याने दावा केला होता, की गेल्या ५ वर्षांपासून त्याची पत्नी कोणतेही कारण नसताना त्याच्यापासून विभक्त राहत आहे. आता तिने सिंदूर म्हणजेच कुंकूही लावणे बंद केले आहे.
दुसरीकडे, पती अंमली पदार्थांचे सेवन करून करून हुंड्यासाठी छळ करतो, असा आरोप विवाहित महिलेने केला होता. यावर इंदूर कौटुंबिक न्यायालयात सुनावणी पार पडली. यावेळी कोर्टाने दोन्ही बाजूंचा युक्तीवाद ऐकून घेतला.
विशेष बाब म्हणजे, जेव्हा महिला कोर्टात जबाब नोंदवण्यासाठी आली होती. त्यावेळी देखील तिने कुंकू लावले नव्हते. कोर्टाने तिला याबाबत विचारणा केली असता, तिने आपली चुकी मान्य केली. यानंतर कोर्टाने या प्रकरणाचा निकाल देत पत्नीला कुंकू लावून पतीकडे राहण्याचे आदेश दिले.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.