प्रत्येकाला काही न काही गोष्टींचा छंद असतो. काहींना वेगवेगळे पदार्थ बनवण्याचा, खाण्याचा, गाड्यांचा, घड्याळे घेण्याचा शौक असतो. दरम्यान, आता एका एका व्यक्तीने चक्क कोट्यवधि रुपयांची नंबरप्लेट घेतली आहे. आंध्र प्रदेशातील एका वाहनधारकाने आपल्या कारला सर्वात महागडी नंबरप्लेट बसवून घेतली आहे. या व्यक्तीच्या कारच्या नंबरप्लेटची किंमत २ कोटी रुपये आहे.

लक्झरी नंबरप्लेटची अनोखी गोष्ट

अनेकजण कोट्यवधी रुपयांची कार घेतात. लक्झरी कार घेण्याचे अनेकांचे स्वप्न असते. मात्र, या पठ्ठ्याने चक्क २.८ कोटी रुपयांनी कारची नंबरप्लेट घेतली आहे. या कारचा फोटो सध्या सोशल मीडियावर प्रचंड व्हायरल होत आहे. या कारचा नंबर DDC 001 आहे. ही देशातील सर्वात महाग नंबरप्लेट आहे.

२ कोटींची नंबरप्लेट (Number Plate Worth 2 Crore)

लक्झरी युज्ड कारचे लोकप्रिय शोरुम Big Boy Toyz (BBT) ने नवीन वेंचर ऑक्शन हाउस सुरु केले आहे. हे भारतातील असे प्लॅटफॉर्म आहे जिथे महागडे आणि लक्झरी गोष्टींचा लिलाव होतो. यावेळी या इव्हेंटमध्ये एक नवीन रेकॉर्ड बनवला आहे. या लिलावात DDC 001 नंबरप्लेट २ कोटी रुपयांना विकली गेली आहे.

भारतातील सर्वात महागडी DDC 001 नंबरप्लेट (DDC 001 the most expensive number plate in india)

आंध्र प्रदेशमधील गुंटूर येथील किरण कोलापाकुला यांनी या कारसाठी बोली लावली होती. भारताच्या इतिहासातील ही सर्वाधिक महागडी नंबरप्लेट आहे. या नंबप्लेटचे आधी मालक जतिन अहुजा होते. याआधी KL 07 DG 0007 ही नंबरप्लेट ४६ लाख रुपयांची प्लेट खरेदी केली होती.