दिल्लीतील कथित मद्य धोरण घोटाळ्यात आरोपी असलेले मुख्यमंत्री अरविंद केजरीवाल यांनी आज न्यायालयात शरणागती पत्करली आहे. दिल्लीच्या राऊस ॲव्हेन्यू कोर्टाने त्याला ५ जूनपर्यंत न्यायालयीन कोठडी सुनावली आहे.

लोकसभा निवडणुकीच्या पार्श्वभूमीवर सर्वोच्च न्यायालयाने त्यांना निवडणूक प्रचारासाठी १ जूनपर्यंत अटकपूर्व जामीन दिला होता आणि १ जूननंतर आत्मसमर्पण करण्यास सांगितले होते. आत्मसमर्पण करण्याआधी केजरीवाल यांनी आप पक्षातील कार्यकर्त्यांना संबोधित करताना म्हणाले की, 'मी देश वाचवण्यासाठी तुरुंगात जात आहे.'

केजरीवाल यांनी वैद्यकीय कारणास्तव एका आठवड्याची मुदत मागितली होती. मात्र ट्रायल कोर्टाने या याचिकेवरील निर्णय ५ जूनपर्यंत राखून ठेवला होता. अरविंद केजरीवाल अटकपूर्व जामीन मिळाल्यानंतर ५५ दिवसांनी १० मे रोजी तिहार तुरुंगातून बाहेर आले होते.

दिल्लीचे मुख्यमंत्री अरविंद केजरीवाल यांना रविवारी तुरुंगातून व्हिडिओ कॉन्फरन्सिंगद्वारे न्यालयात हजर करण्यात आले. अरविंद केजरीवाल यांना न्यायालयीन कोठडी देण्याची मागणी करणाऱ्या ईडीच्या अर्जावर दिल्लीच्या राऊस अव्हेन्यू कोर्टात सुनावणी झाली. या प्रकरणाची सुनावणी न्यायाधीश संजीव अग्रवाल यांनी केली. ईडीने न्यायालयाला सांगितले की, अरविंद केजरीवाल यांना आरोपी बनवण्यात आले आहे, त्यामुळे आम्ही कोठडीची विनंती करत आहोत.

दरम्यान, मुख्यमंत्री अरविंद केजरीवाल त्यांच्या पत्नी सुनीता केजरीवाल यांच्यासह तिहार तुरुंगात पोहोचले आणि न्यायालयात हजर झाल्यानंतर त्यांनी आत्मसमर्पण केले. केजरीवाल यांच्या आत्मसमर्पणानंतर सुनीता केजरीवाल तिहार तुरुंगातून बाहेर आल्या.