हरियाणा सरकारने सुट्टीच्या दिवशी पोलीस प्रशासनात मोठा फेरबदल केला आहे. सरकारने 7 IPS आणि 39 HPS अधिकाऱ्यांच्या बदल्या केल्या आहेत. IPS राजेश कुमार यांच्या जबाबदारीत वाढ करण्यात आली असून त्यांच्याकडे पंचकुला एसपी पदाची जबाबदारी सोपवण्यात आली आहे. यासोबतच ते एसटीएफ पंचकुलाचे एसपी आणि सोशल आऊटरीच कार्यक्रमाचे एसपी म्हणून काम पाहणार आहेत.

दरम्यान अनेक जिल्ह्यांमध्ये पोलीस उपअधीक्षक स्तरावरही बदल करण्यात आले आहेत. मानेसरच्या DCP प्रबिना यांची नियुक्ती एसपी, GRP अंबाला छावणी म्हणून करण्यात आली आहे. तर फरीदाबादचे DCP क्राइम राजेश मोहन यांची बदली करून त्यांच्याकडे DCP सेंट्रल फरीदाबाद पदाची जबाबदारी देण्यात आली आहे. गुरुग्रामचे DCP ट्रॅफिक प्रतीक गहलोत यांच्याकडे DCP मानेसरपदाची अतिरिक्त जबाबदारी सोपवण्यात आली आहे. यासोबतच ते कमांडंट, चौथी बटालियन मानेसरपदाचाही अतिरिक्त कार्यभार सांभाळतील.

सोनीपतचे DCP ईस्ट आयुष यादव यांची नियुक्ती DCP साऊथ गुरुग्राम म्हणून करण्यात आली आहे. फरीदाबादचे DCP ट्रॅफिक जयबीर सिंह यांना DCP क्राइम फरीदाबाद करण्यात आले आहे. तर सोनीपतचे DCP क्राइम नरेंद्र सिंह यांची नियुक्ती एसपी, स्टेट क्राइम ब्युरो मुख्यालय येथे करण्यात आली आहे. या फेरबदलामुळे हरियाणा पोलीस प्रशासनातील अनेक महत्त्वाच्या पदांवर नवीन अधिकाऱ्यांची नियुक्ती झाली आहे.