Accident Viral Video: अपघातांचे अनेक व्हिडीओ  (Viral Video)  सोशल मीडियावर व्हायरल होत असतात. रस्त्यावरील सीसीटीव्ही कॅमेऱ्यांमुळे अनेक अपघाताच व्हिडीओ यामध्ये कैद होत असतात. असाच एका विचित्र बस अपघाताचा व्हिडीओ सध्या सोशल मीडियावर प्रचंड व्हायरल होत आहे.

गुजरातच्या जामनगरमधील अपघाताचा हा व्हिडीओ पाहून अनेकांना धक्का बसला. या अपघातात दोन विद्यार्थी जखमी झाल्याची माहिती समोर येत आहे.

व्हिडीओतील दृष्यानुसार, एक बस रस्त्याने जात आहे. स्पीड ब्रेकर ओलांडताना अचानक बसची मागची काच फुटते आणि काहीजण बसच्या खाली पडतात. बस चालकाने वेगाने बस स्पीड ब्रेकरवरुन नेली त्यामुळे जोरदार धक्का बसची मागची काच फुटली. काच फुटल्याने मागे उभे असलेले दोन विद्यार्थी बसमधून थेट खाली कोसळले. (Viral News)

सध्या या अपघाताचा व्हिडिओ सोशल मीडियावर मोठ्या प्रमाणात व्हायरल होत आहे. मिळालेल्या माहितीनुसार, जामनेर बस डेपोच्या व्यवस्थापकाला या घटनेची माहिती मिळताच त्यांनी कारवाई करत बस चालकाला निलंबित केले. त्याचवेळी बसच्या काचा फुटल्याने दोन्ही तरुण किरकोळ जखमी झाल्याचे सांगण्यात येत आहे.