Vadodara News:

गुजरातमध्ये एक मोठी दुर्घटना घडली आहे. येथील वडोदराजवळील हरणी तलावात बोट उलटल्याने सहा शालेय विद्यार्थ्यांचा मृत्यू झाल्याची माहिती मिळत आहे. घटनेनंतर तात्काळ बचाव सुरु करण्यात आलं आहे.

या दुर्घटनेत मृत्यू झालेले मुलं वडोदरा येथील न्यू सनराईज स्कूलमधील असल्याचं सांगितलं जात आहे. या बोटीवर 27 विद्यार्थी होते, अशी माहिती मिळत आहे. या मुलांनी किंवा शिक्षकांपैकी कोणीही लाईफ जॅकेट घातलेले नव्हते. यातच बोट उलटल्यावर सहा विद्यार्थ्यांचा मृत्यू झाला. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मुख्यमंत्री भूपेंद्र पटेल व्यक्त केलं शोक

दरम्यान, या अपघातावर मुख्यमंत्री भूपेंद्र पटेल यांनी शोक व्यक्त केलं आहे. X वर पोस्ट करताना ते म्हणाले, 'वडोदराच्या हरणी तलावात बोट उलटल्यामुळे मुलांचा बुडून मृत्यू झाल्याची घटना अत्यंत हृदयद्रावक आहे. प्राण गमावलेल्या मुलांच्या आत्म्याला शांती मिळावी, यासाठी मी प्रार्थना करतो.  (Latest Marathi News)

त्यांनी पुढे लिहिलं आहे की, या दु:खाच्या काळात त्यांच्या कुटुंबियांप्रती माझ्या मनापासून संवेदना. देव त्यांना हे दु:ख सहन करण्याची शक्ती देवो. बोटीतील विद्यार्थी आणि शिक्षकांचे बचावकार्य सध्या सुरू आहे. अपघातातील जखमींना तातडीने मदत पोहोचवण्याचे निर्देश यंत्रणेला देण्यात आले आहेत.