Gujarat Accident News : गुजरातमध्ये भयंकर अपघात झालाय. दोन कारची समोरासमोर जोरदार धडक झाली. त्यानंतर कारला लागलेल्या आगीत होरपळून आठ जणांचा मृत्यू झाला आहे. मृतामध्ये दोन लहान मुलांचा समावेश आहे. या अपघातात तीन जण जखमी आहेत, त्यांच्यावर जवळच्या रूग्णालयात उपचार सुरू आहेत. गुजरातमधील सुरेंद्रनगर जिल्ह्यात हा भयंकर अपघात झाला आहे. अपघाताची माहिती मिळताच पोलिसांनी घटनास्थळी घाव घेतली. पोलिसांनी मृतदेह ताब्यात घेऊन पोस्टमार्टमसाठी पाठवले आहेत.

सुरेंद्रनगर जिल्ह्यात झालेल्या भीषण कार अपघातात आतापर्यंत ८ जणांचा मृत्यू झाला आहे. अपघातानंतर घटनास्थळावर एकच खळबळ उडाला होता. भीषण अपघाताची माहिती मिळताच पोलीस पथक घटनास्थळी पोहोचले आणि स्थानिकांच्या मदतीने जखमींना रुग्णालयात दाखल केले. या अपघातात तीन जणांना किरकोळ जखमा झाल्या आहेत. पोलिसांनी दिलेल्या माहितीनुसार, मृतांची ओळख पटवली जात आहे. सर्व मृतदेह ताब्यात घेऊन पोस्टमार्टमसाठी पाठवण्यात आले आहेत.

8 जणांचा मृत्यू

स्विफ्ट डिझायर आणि टाटा हॅरियर या कारची रविवारी जोरात धडक झाली. पोलिस अधिकाऱ्याने सांगितले की, स्थानिकांनी पोलिस आणि 108 पथकाला माहिती दिल्यानंतर बचावकार्य सुरू झाले. हा अपघात दुपारी साडेतीन वाजण्याच्या सुमारास वढवण परिसरातील डेडादरा गावाजवळील महामार्गावर झाला. कार कडू गावाहून सुरेंद्रनगर शहराकडे जात होती. एसयूव्हीमधील तीन जण अपघातातून वाचले असून त्यांना किरकोळ जखम झाली आहे., त्यांच्यावर स्थानिक रूग्णालयात उपचार सुरू आहेत. अपघातानंतर कार रस्त्याच्या कडेला खड्ड्यात पडली आणि त्याला आग लागली, ज्यामुळे त्यातील सर्व प्रवासी अडकले आणि जळून मृत्यू झाला. या अपघातामध्ये ८ जणांचा मृत्यू झाला.

डीआयजींनी दिली माहिती

सुरेंद्रनगरचे डीआयजी गिरीश पंड्या यांनी सांगितले की, कारमधील सर्व आठ जणांचा जळून मृत्यू झाला. एसयूव्हीमधील तीन जण किरकोळ जखमी झाले आहेत, त्यांना रुग्णालयात दाखल करण्यात आले आहे. मृतांमध्ये पाच महिला आणि दोन मुलांचा समावेश आहे, यात 10 महिन्यांची आणि 13 वर्षांच्या दोन मुलींचा समावेश आहे. याशिवाय 35 ते 55 वयोगटातील पाच महिला आणि ड्रायव्हरचा अपघातात मृत्यू झाला.