Mumbai Rains : मुंबईत पावसाचा धुमाकूळ, अंधेरी सबवे पाण्याखाली, वेस्टर्न एक्स्प्रेस हायवे जॅम|VIDEO

Traffic Jam in Western Express Highway : आठवड्याच्या पहिल्या दिवशी मुंबईत जोरदार पाऊस पडतोय. सकाळच्या सुमारास कामावर जाणाऱ्यांना अडचणींना सामोरे जावे लागत आहे. सलग पावसामुळे दृश्यमानता कमी झाली असून रस्त्यांवर वाहतुकीवर परिणाम झाला आहे. वेस्टर्न एक्स्प्रेस हायवेवर प्रचंड कोंडी झाली असून लोकलवरील तिन्ही मार्गावरही वाहतुकीची गती मंदावली आहे. नागरिकांनी सावधगिरी बाळगावी.

पश्चिम उपनगरात जोरदार पाऊस कोसळत असल्यामुळे सकल भागामध्ये पाणी साचण्यास सुरुवात झाली आहे अंधेरी पूर्व पश्चिमेला जोडणारा अंधेरी सब वे देखील पाण्याखाली गेला असून साधारणपणे अडीच ते तीन फुटापर्यंत पाणी साचल्यामुळे सबवे वाहतुकीसाठी बंद करण्यात आलेला आहे अंधेरी सब वे परिसरातून आमचे प्रतिनिधी संजय गडदे यांनी घेतलेला आढावा