नवी दिल्ली : आंतरराष्ट्रीय किमती घसरल्मुळे देशांतर्गत बाजारात सोन्याचे दर खाली आले आहेत. सोमवारी आठवड्याच्या पहिल्या व्यापारी दिवशी राष्ट्रीय राजधानी दिल्लीत सोने प्रति १० ग्रॅम १९९ रुपयांनी स्वस्त झाले आहे. त्याचबरोबर चांदीच्या दारात देखील घसरण नोंदवण्यात आली आहे. १ किलो चांदीची किंमत २५० रुपयांपर्यंत खाली आली आहे.

हे देखील पहा-

तज्ज्ञांचे म्हणणे आहे की, अमेरिकेच्या सेंट्रल बँकेच्या फेडरल रिझर्व्हचे अध्यक्ष जेरोम पॉवेल यांचे मोठे विधान केले आहे. यानंतर असे मानले जाते की, सध्या अमेरिकेमध्ये व्याजदर वाढण्याची शक्यता नाही. म्हणून दरावरती दबाव आहे. येणाऱ्या काही दिवसांमध्ये सोन्याचे भाव आणखी कमी होणार आहेत. राजधानी दिल्लीमध्ये आज ९९.९ टक्के सोन्याचा दर १९९ रुपयांनी घसरून ४६,३८९ रुपयांवर आला आहे.

या अगोदर शुक्रवारी दिवसभरात व्यवहारानंतर ते ४६,५८८ वर बंद करण्यात आले आहे. आंतरराष्ट्रीय बाजारात आज सोन्याच्या दरात $ १,८१४ प्रति औंस झाली होती. एचडीएफसी सिक्युरिटीजने सांगितलेल्या माहितीनुसार, दिल्ली सराफा बाजारात चांदीचे दर २५० रुपयांनी घसरून, ६२,०६३ रुपये प्रति किलो झाली आहे. याअगोदर मागील ट्रेडिंग सत्रात चांदीची दर ६२,३१३ रुपये प्रति किलोवर बंद झाली होती. आंतरराष्ट्रीय बाजार पेठेत ही दर २३.९९ डॉलर प्रति औंस होती.

Edited By- Digambar Jadhav