LPG ग्राहकांसाठी मोठी बातमी समोर आली आहे. गोवा सरकार राज्यातील पात्र लाभार्थ्यांना दरवर्षी तीन LPG सिलेंडर खरेदी करण्यासाठी 3,000 ची आर्थिक मदत देणार आहे. ही रक्कम थेट लाभार्थ्यांच्या बँक खात्यात जमा केली जाणार आहे. त्यामुळे पात्र कुटुंबांना वर्षातील तीन LPG सिलेंडरच्या खर्चासाठी मोठा दिलासा मिळणार आहे.

या योजनेचा लाभ घेण्यासाठी पात्र नागरिकांना अर्ज करावा लागणार आहे. 5 सप्टेंबरपासून पंचायत आणि आमदारांच्या कार्यालयांमध्ये अर्जाचे फॉर्म उपलब्ध करून दिले जाणार आहेत. अर्जासोबत आवश्यक कागदपत्रे सादर करणे बंधनकारक आहे. अर्ज आणि कागदपत्रांची पडताळणी पूर्ण झाल्यानंतर 9 सप्टेंबरपासून लाभार्थ्यांच्या बँक खात्यात 3,000 जमा करण्याची प्रक्रिया सुरू होणार आहे.

गोवा सरकारच्या या योजनेचा लाभ घेण्यासाठी अर्जदार गोव्यातील पात्र रहिवासी असणे आवश्यक आहे. अर्जासोबत खालील कागदपत्रांच्या प्रती द्याव्या लागतील:

आधार कार्ड

बँक पासबुक

मतदार ओळखपत्र

पात्रता पूर्ण झाल्यानंतर सरकारकडून LPG सिलेंडर मोफत घरपोच दिले जाणार नाहीत, तर सिलेंडर खरेदीसाठी 3,000 ची थेट आर्थिक मदत लाभार्थ्यांच्या खात्यात जमा केली जाणार आहे.

भाजप सरकारने 2022च्या विधानसभा निवडणुकीदरम्यान दरवर्षी तीन मोफत LPG सिलेंडर देण्याचे आश्वासन दिले होते. आता त्या आश्वासनाची अंमलबजावणी आर्थिक मदतीच्या स्वरूपात केली जात आहे.