Goa Election Result 2022: गोव्यात (Goa) विधानसभा निवडणुकींच्या मतमोजणीला सुरुवात झाली आहे. भाजप विरोधात बंडखोरी केलेले उत्पल पर्रीकर पणजी मतदारसंघातून पिछाडीवर आहेत. उत्पल पर्रीकर हे भारताचे माजी संरक्षण मंत्री आणि गोव्याचे मुख्यमंत्री दिवंगत मनोहर पर्रीकर (Manohar Parikar) यांचे पुत्र आहेत.

मतमोजणीच्या सुरुवातीला पर्रीकर आघाडीवर होते. पुन्हा ते पिछाडीवर आले आहेत.

गोव्यातील विधानसभेच्या 40 जागांपैकी 37 जागांचे कल येऊ लागले आहेत. भाजप 18 जागांवर आघाडीवर आहे. काँग्रेस 16 जागांवर पुढे आहे. इतर उमेदवार 3 जागांवर आघाडीवर आहेत. वास्कोमध्ये भाजपचे उमेदवार आघाडीवर. कराचोरममधून काँग्रेसचे उमेदवार अमित पाटकर 178 मतांनी आघाडीवर आहेत. तर मांद्रे मतदारसंघात लक्ष्मीकांत पारसेकर आघाडीवर आहेत.

गोव्यात जागा वाटपाच्या सुरुवातीलाच पणजीत जागेसाठी गोंधळ सुरु होता. उत्पल पर्रीकर यांना भाजपने उमेदवारी दिली नाहीतर ते बंडखोरीच्या तयारीत होते. पणजी मतदार संघ हा दिवंगत मनोहर पर्रीकर यांचा होता. भाजपने (BJP) पणजीतून उत्पल पर्रीकर यांना उमेदवारी नाकारली. त्याऐवजी काँग्रेसमधून आलेल्या बाबूश मॉन्सेरात यांना देण्यात आली.

Edited by- Santosh Kanmuse