भाजपच्या माजी खासदाराच्या ताफ्यातील वाहनाचा अपघात झाला असून यात एका पोलीस कर्मचारीचा मृत्यू झालाय. लखनऊ ते आगरा एक्सप्रेसवेवर हा मोठा भीषण अपघात झाला. कन्नोज लोकसभेचे माजी भाजप खासदार सुब्रत पाठक यांच्या ताफ्यातील एक कार रस्त्याच्या दुभाजकाला धडकली आणि उलटली. या अपघातात शिपाई अभिषेक त्रिपाठी यांचा मृत्यू झालाय. तर अन्य एक सुरक्षा कर्मचारी कुंवर पाल आणि वाहन चालक गंभीर जखमी झालेत.

या भीषण अपघातात जखमी झालेले सुरक्षा कर्मचारी आणि चालकाला उपचारासाठी रुग्णालयात दाखल आले आहे. या दुर्घटनेची माहिती मिळताच जिल्हाधिकारी आशुतोष मोहन अग्निहोत्री आणि पोलीस अधिक्षक विनोद कुमार सह प्रशासन आणि पोलीस अधिकारी घटनास्थळावर दाखल झाले. माजी खासदार सुब्रत पाठक देखील घटनास्थळी हजर होते. याशिवाय प्रदेशचे ऊर्जा राज्यमंत्री कैलास राजपूत आणि अनेक भाजपाचे कार्यकर्ते घटनास्थळी पोहचलेत.

अपघातात पोलीस शिपाई अभिषेक त्रिपाटी यांच्या मृत्यूने पोलीस दलात शोककळा पसरलीय. या दुर्घटनेवरून उत्तर प्रदेशचे राज्य मंत्री कैलाश राजपूत यांनी समाजवादी पक्षावर आरोप केलाय. हा अपघात दुर्दैवी असून या मार्गावर अनेक वळणे आहेत. त्यामुळे येथे अनेकदा अपघात होतात.

समाजवादी पक्षाचं सरकार असताना त्यांना स्वत:च्या लाभासाठी एक्सप्रेस-वे चुकीच्या पद्धतीने बांधलाय. कन्नोजचे पोलीस अधिक्षक विनोद कुमार यांनी या अपघात मृ्त्यू झालेल्या पोलीस शिपाई आणि जखमी शिपाई हे दोघेही कन्नोज येथे तैनात होते. ते भाजपचे माजी खासदार सुब्रत पाठक यांच्या सुरक्षा व्यवस्थेसाठी ड्यूटीला होते.