बिहार विधानसभा निवडणुकीचा पहिला अधिकृत निकाल समोर आला आहे. बिहारचा पहिल निकाल हा एनडीएच्या बाजूने लागला आहे. एनडीएच्या जनता दल यूनायटेडचे उमेदवार महेश्वर हजारी यांचा मोठ्या फरकाने विजय झाला आहे.

जनता दल यूनायडेटचे महेश्वर हजारी यांचा कल्याणपूर विधानसभा मतदारसंघात ३८ हजार मतांनी जिंकले. महेश्वर हजारी यांनी कमुनिस्ट पार्टी ऑफ इंडियाच्या रणजीत कुमार राम यांचा पराभव केला. जनता दल यूनायटेडच्या पहिल्या निकालानंतर आता इतर मतदारसंघातील निकाल समोर येऊ लागले आहेत.

कल्याणपूरनंतर अलौली, हरनौत, मोकामा, बेलागंज या जागांवर जनता दल यूनायटेडच्या उमेदवारांनी आघाडी घेतली आहे. जनता दल यूनायडेटचे हरी नारायण सिंह, अनंत कुमार सिंह, मनोराम देव, राम चंद्र सदा यांचा विजय झाला आहे. पाच पैकी ४ उमेदवार हे मोठ्या फरकाने विजयी झाले आहेत.

भाजपच्या तीन उमेदवारांचा देखील विजय झाला आहे. मधुबन, बरुराज आणि साहेबगंज विधानसभा मतदारसंघातून भाजपचे उमेदवार जिंकले आहेत. राणा रणधीर, अरुण कुमार सिंह आणि राजू कुमार सिंह हे तिन्ही उमेदवार जिंकले आहेत. राणा रणधीर हे ५ हजारांहून अधिक मतांनी जिंकले आहेत. त राजू कुमार सिंह हे १३ हजारांहून अधिक मतांनी जिंकले आहेत. तर बरुराज विधानसभा मतदारसंघातून अरुण कुमार सिंह जिंकले आहेत.