• ‘कॉक्रोच जनता पार्टी’च्या नावाने दगडफेकीचा व्हिडिओ व्हायरल होतोय

• व्हिडिओमध्ये व्हीआयपी वाहनांवर हल्ला केल्याचा दावा

• पडताळणीत हा व्हिडिओ मार्च 2026 मधील जुन्या घटनेचा असल्याचे उघड

• कॉक्रोच जनता पार्टीचा या दगडफेकीशी कोणताही संबंध नसल्याचे निष्पन्न

कॉक्रोच जनता पार्टीच्या नावाने एक व्हिडिओ व्हायरल होतोय. त्या व्हिडिओत काही तरुण व्हिआयपींच्या गाडीवर दगडफेक करत असल्याचं दिसतंय. पण, खरंच कॉक्रोच जनता पार्टी रस्त्यावर उतरलीय का? याची आम्ही पडताळणी केली. त्यावेळी काय सत्य समोर आलं पाहुयात...

सोशल मीडियावर एक 18 सेकंदांचा व्हिडिओ व्हायरल होतोय. त्यामध्ये, रस्त्यावरून जाणाऱ्या वाहनांवर एक जमाव दगडफेक करताना दिसत आहे. या व्हिडिओसोबत एक मेसेजही व्हायरल होतोय. कॉक्रोच आता रस्त्यावर उतरली आहेत. आता व्हीआयपी कोणी नाही, सर्वजण समान आहेत.असा मेसेज करण्यात आलाय. पण, खरंच कॉक्रोच जनता पार्टीने व्हिआयपींच्या गाडीवर दगडफेक केलीय का?

हा व्हिडिओ कॉक्रोच जनता पार्टीच्या नावाने व्हायरल होतोय आणि आता कुणीही व्हीआयपी नाही, सगळेच समान असतील असा दावा करण्यात आलाय. यावेळी काही तरुण दोन गाड्यांवर दगडफेक करताना दिसतायत. मोठा जमाव असून, गाड्या वेगानं चालल्यायत. आणि हाच 18 सेकंदाचा व्हिडिओ व्हायरल करून कॉक्रोच जनता पार्टीने ही दगडफेक केल्याचा दावा करण्यात आलाय. पण, खरंच कॉक्रोच जनता पार्टी आता रस्त्यावर उतरलीय का? आक्रमक होऊन व्हीआयपींच्या गाडीवर दगडफेक केलीय का?

या व्हिडिओची पडताळणी आमच्या व्हायरल सत्य टीमने सुरू केली. हा व्हिडिओ कधीचा आहे? कोणत्या भागातील आहे? याची पडताळणी केली. त्यावेळी काय सत्य समोर आलं पाहुयात. कॉक्रोच जनता पार्टीचा दगडफेकीच्या व्हिडिओशी संबंध नाही. व्हायरल झालेला व्हिडिओ मार्च 2026 मधील घटनेचा आहे. फरसाबाबाच्या मृत्यूनंतर गोरक्षकांनी पोलिसांच्या वाहनांवर हल्ला केला होता. कॉक्रोच जनता पार्टी 16 मेनंतर चर्चेत आली.

सध्या असे व्हिडिओ व्हायरल करून तरुणांची दिशाभूल केली जातेय. कारण, देशात सध्या कॉक्रोच जनता पार्टीची क्रेज आहे आणि कॉक्रोच जनता पार्टीचे कोट्यवधी सभासद आहेत. त्यामुळे असे व्हिडिओ व्हायरल करून तरुणांना भडकवण्याचा प्रयत्न असू शकतो. त्यामुळे असे व्हिडिओ पाहून यावर विश्वास ठेवू नका. आमच्या पडताळणीत 'कॉक्रोच जनता पार्टीवर दंगलीचा आरोप असल्याचा दावा असत्य ठरलाय.